Si u bart licenca?
Aktakuza që Prokuroria e EULEX’it e ka ngritur kundër udhëheqësisë së PTK’së në pjesën dërmuese të saj flet për bartjen e licencës së MVNO’së prej Dardafone LLC në Dardafone.net LLC, mirëpo aty mungojnë emrat e akterëve që e kanë bërë bartjen e kësaj licence.
Gazeta Express ka arritur të sigurojë komplet dokumentacionin prej Autoritetit Rregullativ të Telekomunikacionit, prej ditës kur Ismet Bojku si përfaqësues i Dardafone LLC i ka bërë kërkesë ART’së që licenca t’i kalojë Dardafone.net LLC.
Këtë kërkesë të bërë me shkrim, anëtari i Bordit të ART’së, Lulzim Kurtaj, u ka rekomanduar anëtarëve të tjerë të kësaj agjencie që ta aprovojnë dhe të gjitha të drejtat që i kishte kompania e parë t’i bartën kompanisë së dytë.
Brenda komisionit që e ka shqyrtuar kërkesën ka pasur zëra kundër.
Hetuesit e EULEX’it, prej kur kanë filluar zhvillimin e hetimeve, vazhdimisht janë marrë me mënyrën se si është bartur licenca prej njërës kompani te tjetra. Madje ata e kanë akuzuar menaxhmentin dhe Bordin e PTK’së si fajtore në falsifikim të dokumentacionit.
E vërteta është krejt ndryshe.
Askush nuk ka falsifikuar asnjë dokument, sepse të gjitha ato dokumente se si është bartur licenca, i ka siguruar Expressi. Ekziston vetëm një dilemë: A e barti ART-ja licencën prej njërës kompani te tjetra në mënyrë kundërligjore. Në fakt kjo kishte qenë edhe arsyeja e fillimit të hetimeve.
Shkrimin e plotë mund ta lexoni në Express...