Siri, Asadi ofron “amnisti” për opozitën

Lajmi bëhet i ditur nga “Al-Xhazira”, e cila raporton se Asad ka bërë lëshime të ngjashme dhe në maj, qershor dhe Nëntor.

Ndërkohë, agjencia siriane e lajmeve “Sana”, raporton se që prej fillimit të trazirave në muajin mars, Asad ka amnistuar më shumë se 3952 të burgosur.

Opozita pretendon se në burgjet siriane janë me mijëra persona të tjerë dhe thotë se policia siriane vrau 26 persona të dielën, përfshirë edhe një ushtar e një polic të cilët refuzuan të hapnin zjarr mbi protestuesit.

Gjendja në vend vijon të përkeqësohet, ndërkohë që sëfundmi janë shtuar zërat për një ndërhyrje ushtarake të Ligës Arabe në vend për të mbrojtur civilët./Start/F. P/

                                                                                             2012-01-16 14:26