Siri ne 7 muaj proteste 3 mije te vrare
Në 7 muaj protesta kudër presidentit Bashar al Asad në Siri kanë humbur jetën 3 mijë persona. Komisionarja e Lartë e Kombeve të Bashkuara për të Drejtat e Njeriut, Navi Pillay, bëri të ditur se mes viktimave ka të paktën 187 fëmijë e mbi 100 persona kanë humbur jetën në 10 ditët e fundit.
Përfaqësuesja e OKB-së bëri thirrje për një aksion ndërkombëtar për të evituar zhytjen e vendit në “luftë të plotë civile”. Kjo deklaratë e zyrtares së lartë të OKB-së u bë në periudhën kur një numër në rritje i ushtarëve dhe oficerëve kanë dezertuar nga ushtria e Sirisë por megjithatë represioni qeveritar është i pamëshirshëm. Qeveria në Damask akuzon banda të armatosura terroriste si shkaktare të dhunës që sipas saj u ka kushtuar jetën 1100 personave.
Veprimtarët opozitarë thanë se nga përleshjet ndërmjet forcave qeveritare të sigurisë dhe personave të armatosur janë vrarë së paku 20 persona, prej ditës së djeshme, në provincën qendrore Homs dhe në atë veriore Idlib. Qeveria i ka konfirmuar luftimet në Homs dhe Idlib dhe tha se 10 zyrtarë të sigurisë dhe një numër i paspecifikuar i “personave të armatosur” ishin vrarë gjatë luftimeve.Më herët këtë muaj një rezolutë kundër Sirisë në këshillin e sigurimit nuk u arrit të miratohej për shkak të vetos së Kinës dhe Rusisë.
Delina Bitraku
Përfaqësuesja e OKB-së bëri thirrje për një aksion ndërkombëtar për të evituar zhytjen e vendit në “luftë të plotë civile”. Kjo deklaratë e zyrtares së lartë të OKB-së u bë në periudhën kur një numër në rritje i ushtarëve dhe oficerëve kanë dezertuar nga ushtria e Sirisë por megjithatë represioni qeveritar është i pamëshirshëm. Qeveria në Damask akuzon banda të armatosura terroriste si shkaktare të dhunës që sipas saj u ka kushtuar jetën 1100 personave.
Veprimtarët opozitarë thanë se nga përleshjet ndërmjet forcave qeveritare të sigurisë dhe personave të armatosur janë vrarë së paku 20 persona, prej ditës së djeshme, në provincën qendrore Homs dhe në atë veriore Idlib. Qeveria i ka konfirmuar luftimet në Homs dhe Idlib dhe tha se 10 zyrtarë të sigurisë dhe një numër i paspecifikuar i “personave të armatosur” ishin vrarë gjatë luftimeve.Më herët këtë muaj një rezolutë kundër Sirisë në këshillin e sigurimit nuk u arrit të miratohej për shkak të vetos së Kinës dhe Rusisë.
Delina Bitraku