Siri, shtyhet takimi i Ligës Arabe
Lajmin e konfirmoi para gazetarëve zëvendëssekretari i përgjithshëm i Ligës Arabe, Ahmet Ben Helli, i cili nuk dha asnjë arsye për anulimin e takimit.
Siç raportuan mediat ndërkombëtare, ministrat e jashtëm të Ligës Arabe do të diskutonin për emrin e të dërguarit të OKB-së dhe Ligës Arabe, që do të zëvendësonte në këtë post, Kofi Anan i cili dha doreheqjen në fillim të muajit.
Detyrën pritet ta marrë diplomati veteran, algjeriani Lakdar Brahimi, 78 vjec.
Brenda një jave pritet të përfundojë edhe mandati i misionit vëzhgues të Kombeve të Bashkuara, i përbërë nga 150 monitorues. Por Sekretari i Përgjithshëm i OKB-së, Ban Ki-moon foli për nevojën e qëndrimit të tyre në terren, për të bërë vlerësime të paanshme për situatën ushtarake.
Këshilli i Sigurimit do ta diskutojë këtë çështje të enjten, por vështirë të arrihet një marrëveshje gjithëpërfshirëse sepse organizata është e përçarë. Rusia kërkon zgjatjen e misionit, ndërsa Shtetet e Bashkuara e kundërshtojnë këtë.
Në Stamboll, Sekretarja Amerikane e Shtetit, Hilari Klinton tha se Shtetet e Bashkuara dhe Turqia po punojnë së bashku për plane konkrete, që do të përkrahin opozitën siriane.
Të premten, kryediplomatja amerikane tha se SHBA-ja dhe Turqia po bëhen gati për t’ju përgjigjur menjëherë rrëzimit të presidentit Bashar Al Asad, përdorimit të mundshëm të armëve kimike nga Damasku apo shtimit të fluksit të refugjatëve.
Ndërkohë në Siri vazhdojnë luftimet. Televizioni shtetëror raportoi se trupat pro-qeveritare janë vënë në gjurmim të terroristëve që vendosën bomba në Marxheh, një lagje e Damaskut, në afërsi të Bankës Qëndrore dhe qëllojnë pa dallim qytetarët. Agjensia shteterore e lajmeve Sana raporton për një shpërthim pranë stadiumit Tishrin.
Në Alep, dhuna vazhdon mes Ushtrisë së Lirë Siriane dhe trupave pro-qeveritare. Aktivistët thanë se kryengritësit goditën pjesën jug-perëndimore të lagjes strategjike Salah Al Dine, prej të cilës u tërhoqën dy ditë më parë.
Raportimet nga Siria nuk mund të verifikohen në mënyrë të pavarur sepse hyrja e gazetarëve të huaj është e kufizuar./Start/
2012-08-13 16:10
Siç raportuan mediat ndërkombëtare, ministrat e jashtëm të Ligës Arabe do të diskutonin për emrin e të dërguarit të OKB-së dhe Ligës Arabe, që do të zëvendësonte në këtë post, Kofi Anan i cili dha doreheqjen në fillim të muajit.
Detyrën pritet ta marrë diplomati veteran, algjeriani Lakdar Brahimi, 78 vjec.
Brenda një jave pritet të përfundojë edhe mandati i misionit vëzhgues të Kombeve të Bashkuara, i përbërë nga 150 monitorues. Por Sekretari i Përgjithshëm i OKB-së, Ban Ki-moon foli për nevojën e qëndrimit të tyre në terren, për të bërë vlerësime të paanshme për situatën ushtarake.
Këshilli i Sigurimit do ta diskutojë këtë çështje të enjten, por vështirë të arrihet një marrëveshje gjithëpërfshirëse sepse organizata është e përçarë. Rusia kërkon zgjatjen e misionit, ndërsa Shtetet e Bashkuara e kundërshtojnë këtë.
Në Stamboll, Sekretarja Amerikane e Shtetit, Hilari Klinton tha se Shtetet e Bashkuara dhe Turqia po punojnë së bashku për plane konkrete, që do të përkrahin opozitën siriane.
Të premten, kryediplomatja amerikane tha se SHBA-ja dhe Turqia po bëhen gati për t’ju përgjigjur menjëherë rrëzimit të presidentit Bashar Al Asad, përdorimit të mundshëm të armëve kimike nga Damasku apo shtimit të fluksit të refugjatëve.
Ndërkohë në Siri vazhdojnë luftimet. Televizioni shtetëror raportoi se trupat pro-qeveritare janë vënë në gjurmim të terroristëve që vendosën bomba në Marxheh, një lagje e Damaskut, në afërsi të Bankës Qëndrore dhe qëllojnë pa dallim qytetarët. Agjensia shteterore e lajmeve Sana raporton për një shpërthim pranë stadiumit Tishrin.
Në Alep, dhuna vazhdon mes Ushtrisë së Lirë Siriane dhe trupave pro-qeveritare. Aktivistët thanë se kryengritësit goditën pjesën jug-perëndimore të lagjes strategjike Salah Al Dine, prej të cilës u tërhoqën dy ditë më parë.
Raportimet nga Siria nuk mund të verifikohen në mënyrë të pavarur sepse hyrja e gazetarëve të huaj është e kufizuar./Start/
2012-08-13 16:10