Skandal i ri me plehrat në Itali
Çështja e trajtimit të mbeturinave në Itali mbetet gjithnjë aktuale.
Vetëm këtë javë që po mbyllet, një skandal i ri përfshiu një sërë anëtarësh të Këshillit Rajonal të Lombardisë, që duket se kanë marrë ryshfete për të favorizuar qarkullimin e mbeturinave të rrezikshme, pa respektuar ligjet e rrepta në këtë fushë.
E ndërkohë, Bashkimi Evropian i ka dhënë vetëm dy muaj kohë përpara se të aplikojë sanksionet për Napolin, qyteti ku problemi i plehrave mbetet një plagë e vërtetë.
Përpara pak ditësh, RAI transmetoi hetimin e gazetarit Emilio Casalini, i cili ka ndjekur rrugëtimin e paligjshëm të mbeturinave të rrezikshme nga Italia në Kinë, duke u hequr si trafikant.