Skandal seksual 8 lojtare perjashtohen nga Meksika
Kombëtarja e Meksikës është përfshirë në një tjetër skandal në prag të Kupës së Amerikës, pas atij të dopingut që solli pezullimin e pesë lojtarëve. Tetë futbollistë të përfaqësueses, e cila vetëm pak ditë më parë fitoi Golden Cup janë përjashtuar nga skuadra pasi janë protagonistët e një tjetër skandali seksual.
Sulmuesit Marco Fabian de la Mora, Javier Cortes dhe Nestor Calderon, mesfushorët Jonathan Dos Santos, Jorge Hernandez dhe David Cabrera si dhe mbrojtësit Nestor Vidrio e Israel Jimenez janë kapur nga kamerat e sigurisë së hotelit, teksa hynin në dhomat e tyre të shoqëruar nga disa femra.
Lajmi u publikua nga mediat meskikane, ndërsa vetëm një ditë më pas u konfirmua nga Federata e Futbollit, e cila si masë disiplinore ka përjashtuar nga kombëtarja tetë futbollistët dhe në të njëjtën kohë i ka dhënë një goditje të rëndë skuadrës, e cila ka mbërritur në Argjentinë, ku do të marrë pjesë në kompeticionin më të rëndësishëm të futbollit amerikano-jugor.
Trajneri i përfaqësueses meksikane Luis Fernando Tena ka bërë të ditur se i vjen keq për këtë që ndodhi, ndërsa do të zëvendësojë të pezulluarit me tetë futbollistë të tjerë. Përveç përjashtimit lojtarët e përjashtuar duhet të paguajnë një gjobë prj 50 mijë pesos, të barazvlefshme me 4 mijë dollarë amerikanë. Meksika do të luajë në grupin C të Kupës së Amerikës bashkë me Uruguajin, Kilin dhe Perunë.
Nertan Prifti
Sulmuesit Marco Fabian de la Mora, Javier Cortes dhe Nestor Calderon, mesfushorët Jonathan Dos Santos, Jorge Hernandez dhe David Cabrera si dhe mbrojtësit Nestor Vidrio e Israel Jimenez janë kapur nga kamerat e sigurisë së hotelit, teksa hynin në dhomat e tyre të shoqëruar nga disa femra.
Lajmi u publikua nga mediat meskikane, ndërsa vetëm një ditë më pas u konfirmua nga Federata e Futbollit, e cila si masë disiplinore ka përjashtuar nga kombëtarja tetë futbollistët dhe në të njëjtën kohë i ka dhënë një goditje të rëndë skuadrës, e cila ka mbërritur në Argjentinë, ku do të marrë pjesë në kompeticionin më të rëndësishëm të futbollit amerikano-jugor.
Trajneri i përfaqësueses meksikane Luis Fernando Tena ka bërë të ditur se i vjen keq për këtë që ndodhi, ndërsa do të zëvendësojë të pezulluarit me tetë futbollistë të tjerë. Përveç përjashtimit lojtarët e përjashtuar duhet të paguajnë një gjobë prj 50 mijë pesos, të barazvlefshme me 4 mijë dollarë amerikanë. Meksika do të luajë në grupin C të Kupës së Amerikës bashkë me Uruguajin, Kilin dhe Perunë.
Nertan Prifti