Skandalet e drejtësisë/ Të plagosësh gruan, në Shqipëri nuk është krim

Tiranë- Një burrë ka plagosur me mjetet të forta gruan e tij, edhe pse ka qenë me urdhër mbrojtjeje, ka rrahur vajzën e tij dhe këto nuk përbëjnë vepër penale për prokurorinë dhe gjykatën shqiptare. Në vijim të investigimit mbi vendimit e drejtësisë shqiptare, gazeta IDEA publikon një vendim të gjykatës së Tiranës, marrë në 26 Qershor.

Sipas vendimit të gjykatës, më datë 10.04.2012, rreth ores  21.30, është njoftur salla operative e policisë: “Në rrugën Sadik Petrela, në Tiranë, një shtetas ka goditur me sepate, në banese, bashkëshorten e tij.

Policia Gjyqësore ka shkuar në vendin e ngjarjes  dhe ka kapur ne flagrancë të pandehurin Ramiz Qershori, pasi bashkëshortja e tij, shtetesja Shqiponja Qershori, është gjetur e shtrirë në toke ku kishte marrë plagë  në trup  dhe në pjesen e shpinës, por me mjet të forte e jo me sëpate. Mjeti me te cilin është qelluar kallëzuesja eshte sekuestruar në cilesine e provës materiale. Ajo është derguar per ndihme mjekësore  në Spitalin Nr. 2 Tiranë dhe më pas në S.Q.U Tiranë, kurse i pandehuri Ramiz Qershori, është shoqeruar në Komisaritin e Policisë Nr.4 Tiranë. Nisur nga sa siper, për shtetasen Shqiponja Qershori, është vendosur ekspertimi mjeko-ligjor.

Hetimet kanë zbuluar se i pandehuri dhe bashkeshortja e tij janë në proçes divorci dhe për shkak të mosmarreveshjeve e dhunes që ai ushtron ndaj gruas e vajzave, Gjykata e Rrethit Gjyqësor Tiranë, në datën 15.03.2012 kishte lëshuar urdherin e menjehershem të mbrojtjes, per paditesen Shqiponja Qershori. Sipas këtij vendimi, urdhërohet menjehere i padituri Ramiz Qershori, të mos kërcënojë paditesen dhe femijet e tyre, të mos cënojë, ngacmojë apo kontaktojë paditesen apo femijët e tyre. Por ky i pandehur, në shkelje të plote të këtij vendimi ka rrahur bashkeshorten në prani të  vajzës së tyre Rexhina Qershori.

Sipas aktit të ekspertimit mjeko-ligjor me Nr.385, datë 16.04.2012, ka rezultuar se tek e demtuara  Shqiponja Qershori, janë konstatuar dëmtime,  dy ekimoza  në shpinë të shkaktuara me mjet të fort mbretes dhe se këto dëmtime hyjnë në kategorinë e atyre dëmtimeve të cilat kanë sjellë humbje të aftesise së perkohshme në punë në masën deri në 9 (nente) ditë.

Pra burri, jo vetëm që ka thyer urdhërin e mbrojtjes por ka rrahur e plagosur gruan e tij.

Sipas gjykates, në shkelje të vendimit të gjykatës për të mos iu afruar gruas, i pandehuri  Ramiz Qershori, ka kërcënuar bashkëshorten e tij duke i thene se po të ndahesh nga unë do të masakroj  dhe se në kete bote nuk jeton e ndarë prej meje. Në debat e siper shtetasi Ramiz Qershori, ka goditur në pjese të ndryshme të trupit bashkëshorten e tij Shiponja Qershori dhe vajzën e tij Anxhela Qershori, që ka qënë e pranishme ne kete moment, duke u shkaktuar dëmtime.

Megjithë këtë, prokuroria e ka dërguar në gjykatë burrin vetëm për thyrje të urdhërit të mbrojtjes dhe jo për ushtrim dhune. Thyerja e urdhërit të mbrojtjes është shoqëruar pikërisht me dhunën, ndërsa është dënuar nga gjykata me 3 muaj burg (sa koha e paraburgimit) vetëm se shkeli këtë urdhër dhe për atë që bëri duke shkelur urdhërin.

Kjo është njësoj sikur të dënohesh se hyre pa lejë në bankë dhe jo se grabite bankën.