Skandali i festivalit, hetime brenda RTVSH-se
Pas deklaratave te ndryshme te kengetareve si Blero, Manjola Nallbani, etj. apo edhe akuzave te ndersjella te drejtuesve te ndryshem e pergjegjes te festivalit, si dhe te kompozitoreve pjesemarres e pretendente per vendet e para te edicionit te porsambyllur te kompeticionit te kenges ne RTVSH, burime prane ketij te fundit bejne te ditur per gazeten “Albania” se do te fillojne hetimet lidhur me çeshtjen e trukimit te votave. Ne gjithe rremujen e shkaktuar nga ky eveniment i pervitshem, qe gjykohet si kompeticioni me i madh dhe me serioz mbarekombetar ne lemin e kenges shqipe, duket se per here te pare do te nderhyjne auditet e brendshme e ndoshta dhe te jashtme. Ajo qe do te jete nen vezhgim dhe hetim eshte menyra e votimit, procedura, si dhe vertetimi i denoncimeve te ndryshme ne adrese te festivalit, jurise dhe organizatoreve. Per hir te se vertetes duhet thene se mbas çdo edicioni te Festivalit te RTVSH-se nuk kane munguar diskutimet, debatet, kritikat, akuzat dhe as pakenaqesite apo superlativat ne anen tjeter. Gjate viteve te fundit, Festivali i Kenges ne RTVSH eshte bere i lakmuar me teper se çdo festival tjeter ne llojin e vet per kengetaret e kompozitoret. Kjo ka ndodhur pavaresisht problemeve te tij e perfoljeve per shitjen e fituesve qe pa nisur gara, per te vetmin shkak se kengetaret joshen nga bileta ekskluzive qe festivali jep per perfaqesimin e kenges shqipe ne festivalin europian “Eurosong”. Me permasat mediatike te medha si kurrendonjehere qe debati rreth skandalit te votave te festivalit tashme ka marre, duket se do te kete zhvillime te reja dhe “koka te prera”, ndoshta dhe nga stafi drejtues i ketij festivali.
19 Dhjetor 2007