Skandali me minorenen, Riberi - Benzema në hetuesi

Riberi dhe Benzema akuzohen se kanë kryer marrëdhënie seksuale me një 17-vjeçare tre muaj më parë. Riberi e ka mohuar se ishte në dijeni të moshës së vajzës, por kjo e fundit ka deklaruar se i ka bërë të ditur atij moshën e vet. Kurse Benzema ka thënë se nuk ka qenë në lokalin ku ka ndodhur ngjarja atë natë.

Procesi i hetimit u ndërpre për shkak të kampionatit botëror dhe sot ka filluar sërish. Në këtë çështje është përfshirë edhe sulmuesi tjetër i kombëtares trikolore, Sidni Govu. Sipas legjislacionit francez, nëse shpallen fajtorë, të akuzuarit rrezikojnë një dënim deri në tre vite burg dhe 45 mijë euro gjobë.