Sllovakia njeh de facto pasaportat e Kosovës

Bratislavë -Sllovakia ka njohur de facto pasaportat e reja me vulën e Republikës së Kosovës, por njohja nuk është bërë de jure. Qeveria sllovake, kundërshtare e pavarësisë së Kosovës, e ka marrë një vendim të tillë, për ‘çështje humane’. Shtetasit kosovar do të pranohen në procedurat e aplikimit të vizave me pasaportat e reja.

Ne udhëzuesin e aplikimit për vizë në faqen e internetit të kësaj ambasade është përfshirë edhe rubrika për qytetaret me pasaportat e reja të Kosovës. Megjithatë autoritetet thonë se ky hap nuk nënkupton qe Sllovakia njeh pavarësinë e Kosovës.