Sllovenia mund të kërkojë ndihmë financiare

Sllovenia mund të bëhet vendi i gjashtë i eurozonës, të cilës do t`i duhet ndihma e jashtme financiare për shkak të vështirësive në sektorin bankar. Këtë mendim e shprehën ekonomistët e anketuar nga Agjencia Bloomberg.

Më parë për kredi strukturave europiane i janë drejtuar Greqia, Portugalia, Irlanda, Spanja dhe Qipro.

Komisioni Europian miratoi dhënien e paketës së dytë të ndihmës shtetërore bankës më të madhe në Slloveni - Nova Ljubljanska Banka me një shumë prej rreth 390 milionë euro.

Borxhi shtetëror i Sllovenisë iu afrua 50 për qind të PBB-së, duke u rritur më shumë se dyfish që nga momenti i kalimit të vendit në përdorimin e euros në vitin 2007.