“Slow Food” 11 prodhues shqiptarë në panairin e Shtutgartit

Prodhuesit shqiptarë do të marrin pjesë në panairin “Slow Food” 2023 në Shtutgart, Gjermani. 

Lajmin e ka bërë të ditur ministrja e Bujqësisë dhe Zhvillimit Rural, Frida Krifca. “I bashkohem me kënaqësi këtij grupimi promovues të eksportojmë ushqimin si pasaportë e rëndësishme e traditës, cilësisë, shijes dhe ritualeve të territoreve tona më të thella të Shqipërisë”, shkruan Krifca ndërsa gjendet mes 11 prodhuesve shqiptarë .

Sipërmarrjet agroturistike në Shqipëri po zhvillojnë traditën e “ushqimit të ngadaltë” . Ai është një ushqim që prodhohet ose përgatitet në përputhje me traditat e kuzhinës lokale, zakonisht duke përdorur përbërës të cilësisë së lartë me burim lokal.

Rilidhja e prodhuesve të ushqimit me ata që konsumojnë ushqimin është një element tjetër i rëndësishëm i lëvizjes së “ushqimit të ngadaltë”. 

/ rtsh.al /