Sobe gazi per fidanet, digjet cifti

BERAT- Nje zjarr i shkaktuar nga shperthimi i nje bombole gazi per pak sa nuk i ka marre jeten nje cifti fermeresh ne fshatin Hoxhaj te Beratit. Ngjarja e rende mesohet se ndodhi ne oret e para te dates 1 janar. Cifti Arjan dhe Flutura Rome mesohet se kane perfunduar ne spital me plage te marra nga djegia si pasoje e shperthimit te nje bombole gazi te vendosur ne soben qe sherbente per ngrohjen e fidaneve ne bodrumin e shtepise. Cifti mesohet se kishte gjetur kete menyre per te rritur fidanet e perimeve me qellim mbjelljen e tyre me afrimin e diteve te ngrohta. Sipas hetimit te kryer nga policia, soba me gaz mesohet se ishte fikur gjate nates dhe ne tentative per rindezjen, pas rrjedhjes se gazit dhe clirimit te tij ne ambientet e bodrumit, ka sjelle shperthimin dramatik. Si rezultat mesohet se cifti Rome kane pesuar djegie te renda ne trup. Arjan Rome, 33 vjec dhe bashkeshortja e tij, 34 vjecare, Flutura, perfunduan ne Repartin e Kirurgjise ne spitalin e Beratit dhe me pas ne Spitalin "Nene Tereza" te Tiranes. Ekspertet e policise deklaruan pas hetimeve te para se shperthimi kish ndodhur si rezultat i nje pakujdesie.

E.H.