Socialistet evropiane: Firmosni referendumin

Kryetari i Grupit socialist ne Parlamentin Evropian, Martin Shulc, u beri thirrje ligjvenesve shqiptare te mbeshtesin referendumin popullor per ndryshimet kushtetuese. Ne thirrjen e tij, Shulc vleresoi rendesine e kesaj nisme, nisur nga vete krijimi ligjit themeltar te shtetit, i miratuar nga verdikti i sovranit. Madje, i befasuar nga qendrimi negativ i dy partive kryesore, ndaj kerkeses per referendum, kreu i deputeteve socialiste evropiane, i meshon faktit se ndryshimet kushtetuese duhet t'i nenshtrohen nje procesi referendar. "Duke qene ne pozicionin e kryetari te Grupit socialist ne Parlamentin Evropian, kam mbetur i befasuar nga sjellja e Partise Demokratike dhe Partise Socialiste per sa u takon ndryshimeve te Kushtetutes", u shpreh Shulc, gjate nje interviste per shtyp. Keshtu, ndalur pikerisht ne Kushtetuten e vendit tone dhe ne menyren e miratimit te saj, Shulc vleresoi se "ceshtja e rendesishme e ndryshimeve te Kushtetutes duhen te diskutohet me gjere. Meqenese Kushtetuta e Shqiperise eshte miratuar me referendum popullor atehere dhe modifikimet e saj duhet te behen po me referendum, gje qe e kerkon nje grup deputetesh shqiptare dhe qe mbeshtetet nga grupit yne socialist ne Parlamentin Evropian". Sipas tij, meqenese Kushtetuta eshte miratuar me referendum dhe amendimet qe i jane bere asaj kane te bejne me substancen e Kushtetutes, duhet qe dhe modifikimet e ndryshimet e bera ne te duhet te behen po me referendum. "Shpreh habine se si nje mazhorance ndryshon Kushtetuten e miratuar nga populli dhe nuk mbeshtet iniciativen e nje grupi deputetesh per referendum. Iniciative kjo, e cila mbeshtetet edhe nga Grupi yne socialist ne Parlamentin Evropian", vuri ne dukje Shulc. Madje, ne vijim te qendrimit te tij, Shulc vleresoi se "ndryshimet e bera ne Kushtetute kur miratohen nga shumica e popullit, eshte shprehja me e mire e qendrueshmerise se te tyre. Sipas mendimit tim dhe grupit socialist ne parlamentin evropian qe une perfaqesoj, normale do te ishte vetem nese keto ndryshime do t'i nenshtroheshin procesit te referendumit". O.Xhilaga

Vasili: Mirenjohje per socialistet evropiane

Levizja Socialiste per Integrim vleresoi deklaraten e ardhur dje nga kryetari i socialisteve evropiane, Martin Shulc. Sekretari i Pergjithshem i kesaj partie, Petrit Vasili, theksoi se "LSI shpreh mirenjohjen e saj per socialistet evropiane, qe nepermjet liderit te tyre ne parlamentin evropian, Martin Shulc, shprehen mbeshtetjen e tyre te plote per kerkesen e deputeteve shqiptare per mbajtjen e referendumit".

Brace: LSI te lere debati per karrigen e Metes

"Do te doja qe ta ftoja lidershipin e LSI qe te lere kete debat thjesht dhe vetem per karrigen e nje njeriu, dhe t'i rikthehet opozites ndaj Sali Berishes per gjerat reale duke nisur nga korrupsioni, keqqeverisja, mosfunksionimi i shtetit", vleresoi Brace gjate fjales se tij, lidhur me kerkesat dhe qendrimet e ardhura nga lidershipi i LSI-se. Ne kete menyre, socialistet bene me dije dhe njehere tjeter se nuk do te kete nje pergjigje pozitive nga ky grup per firmosjen e dokumentit referendar.