Sondazhi i “Zërit të Amerikës”, 92 për qind vlerësojnë përballimin e situatës së përmbytjeve nga ana e qeverisë

Reagimet e qeverisë shqiptare, përballë gjendjes së krijuar nga përmbytjet e ditëve të fundit, vlerësohen maksimalisht nga një sondazh i organizuar nga “Zëri i Amerikës”. Në faqen e tij të interneti, “Zëri i Amerikës”, kishte lajmëruar një sondazh, pyetja e të cilit ishte “Mendoni se qeveria po i përgjigjet si duhet situatës së përmbytjeve në Shqipëri?”.Deri në orët e vona të mbrëmjes së kaluar, në një masë të konsiderueshme, pjesëmarrësish në sondazh, mësohet se 92 për qind e tyre, i përgjigjeshin “po” pyetjes “Mendoni se qeveria po i përgjigjet si duhet situatës së përmbytjeve në Shqipëri?”. Ndërsa vetëm 7 për qind e pjesëmarrësve në këtë sondazh, i përgjigjeshin “jo” kësaj pyetje. Ndër pjesëmarrësit në sondazh, 1 për qind, i përgjigjeshin kësaj pyetje “nuk e di”.Shifrat e këtij sondazhi, jo aq për nga tendenca e tij, se sa për nga diferenca mes përgjigjeve “po” dhe “jo”, përveçse një vlerësim maksimal për punën e qeverisë, reagimin e saj, jo vetëm për përballimin e përmbytjeve, por edhe për kujdesin ndaj banorëve të zonave të përmbytura, është njëherazi edhe një shuplakë tjetër më shumë, për opozitën, dhe zërat e kukuvajkave të saj, që prej vitesh, tentojnë të bëjnë politikë mbi fatkeqësi natyrore e njerëzore. Nga ana tjetër, shifrat e këtij sondazhi zhvlerësojnë edhe më shumë përpjekjet e Edi Ramës dhe kryetarëve të ca partizave jo parlamentare që nuk përfaqësojnë asgjë, që ndërsa përpiqen të përhapin panik, nëpërmjet telefonatave anonime, ndër familjet e banorëve të Shkodrës, sërish tentojnë të fusin në mënyrë të përsëritur në qorrsokak Prokurorinë, (sikurse me “Gërdecin” dhe “Fazlliçin”), duke tentuar sërish shtrembërim faktesh dhe realiteti....