Sonte në shtëpinë e “BB3” paparaci më i famshëm i Italisë, Corona

Sonte në darkë, gjatë spektaklit krahas emocioneve të nominimit dhe surprizave që stafi i “Big Brother” ka përgatitur për banorët, do të ketë një moment shumë pikant. Në shtëpinë më të famshme në Shqipëri do të futet Fabrizio Corona, paparaci më i famshëm dhe më i diskutuar momentalisht në Itali, njeriu që ka kapur mat politikanë dhe njerëz publikë shumë të rëndësishëm, duke hapur konflikte dhe debate pa fund, probleme që e kanë çuar deri në procese gjyqësore dhe muaj të tërë në burg. Ky personazh kaq i lakuar momentalisht në të gjitha mediat italiane, do të hyjë në shtëpinë e “Big Brother” për t’u bërë një surprizë banorëve. Sipas bisedave që ata bëjnë shpesh me njëri-tjetrin, duket se shumica i ndjek shumë kanalet italiane, kështu që pa diskutim që do ta njohin menjëherë Coronën dhe do ta përjetojnë me emocion këtë moment kaq të veçantë për ta.