Sot luhet, te enjten bisedohet

Eshte arritur dje ne mbremje vone akordi i pare mes klubeve rebele dhe federates. Ne nje mbledhje maratone prej disa oresh, ku nuk kane munguar debatet dhe diskutimet e forta, dy palet kane gjetur gjuhen e perbashket dhe, pare situaten, ky mund te cilesohet nje hap vertet pozitiv, edhe pse qetesia e madhe eshte shume e brishte. Per kete mjafton te theksohet se vetem pas 4 ditesh, palet do te takohen serish, por ndryshe nga mbledhja e djeshme, ne mesjave do te jene kreret e 12 klubeve te superliges, te cilet do te bisedojne me Komitetin Ekzekutiv te FSHF-se, por jo vetem, pasi presidentet kane ndermend te trokasin edhe ne deren e ministrit Pango. Duket qarte se klubet rebele e kane ndare mendjen: kjo ceshtje do te cohet deri ne fund, investimet e tyre do te mbrohen ne cdo menyre dhe kjo do te thote se vetem pas sqarimit te kesaj ceshtjeje, do te dale nje vendim perfundimtar.
Mbledhja
Ka nisur pak me pare se ora 17:00 dhe ka perfunduar ne ore 20:00. Takimi i ka pasur te gjitha, aq sa u dyshua se puna kishte arritur deri te grushtet mes zv/presidentit te FSHF-se, Lutfi Nurit dhe presidentit te Vllaznise, Valter Fushaj, por, sic u deklarua me pas, lajmi nuk ishte i vertete. Perfaqesuesit e klubeve dje kane qene me nerva te mira, kjo sepse jo pak here ata i jane kthyer te njejtit argument, duke e bere biseden "corap", por ne perfundim, pas nje shtrengimi duarsh, selia u zbraz per t'i lene vendin konferences per shtyp, e cila me pas vuri pikat mbi "i", duke bere te ditur edhe mini-marreveshjen mes dy paleve.
Konferenca e shtypit
Menjehere pas perfundimit te mbledhjes disaoreshe, ka dale ne nje konference per shtyp presidenti i FSHF-se, Armand Duka, i cili u shpreh i kenaqur me hapin pozitiv qe palet arriten dje. "Ne e kemi fare te qarte se perjashtimi nga FIFA eshte nje shqetesim i futbollit shqiptar. Eshte nje moment delikat, i cili duhet pare me vemendje nga te gjithe. E kuptoj rrembimin e presidenteve, ata duan qe te mbrojne investimet e tyre. Klubet duan zgjidhje urgjente, por per kete duhet te bashkepunojme te gjithe se bashku. Sidoqofte, eshte nje hap pozitiv fakti qe ne sot (dje), arritem dicka", theksoi presidenti Duka, duke iu referuar faktit qe skuadrat do te luajne takimet e prapambetura sot. Me pas, kreu i FSHF-se shtjelloj edhe akordin e arritur mes paleve. "Me pare kishte nje kercenim per bojkot, tani ka deshire per zgjidhje. Shtyrja e bojkotit eshte nje mirekuptim nga ana e klubeve, te cilat kane premtuar se do te kerkojne sqarime edhe nga MTKRS-ja rreth situates. Te enjten do te kemi serish nje takim, por kesaj radhe do te jene presidentet e 12 klubeve dhe Komiteti Ekzekutiv qe do te diskutojne", rrefeu njeshi i federates. Me pas, kreu i FSHF-se sqaron edhe kerkesen e klubeve per zhvillimin e Asamblese se Jashtezakonshme. "Asamblene, klubet e kane kerkuar qe te ndryshojne nenin ku eshte bere nderhyrje. Por me pare do te shqyrtojme cdo kerkese nga klubet. Nje kerkese e tille nuk eshte bere dhe une nuk e kam pare, pervecse c'kam degjuar nga media. Asambleja nuk duhet bere ne kete menyre. Por, gjithsesi, klubet jane pranuar te shkojne edhe ne MTKRS per te takuar ministrin Pango, ku do te kerkojne sqarimet e duhura", perfundoi presidenti i FSHF-se Armand Duka.
Fushaj: Te enjten duam te verteten
Menjehere pas mbledhjes, ka dhene nje prononcim per mediat edhe presidenti i Vllaznise, Valter Fushaj, i cili ka theksuar po te njejtat perfundimi si edhe te presidentit Duka: "Ndeshjet do te luhen normalisht neser (sot). Te enjten kemi nje tjeter takim, ku do te marrin pjese te gjithe presidentet e superliges dhe ku do te kerkojme te dime te verteten. Do te flasim edhe me MTKRS, pasi ne kete konflikt nuk eshte vetem federata", deklaroi presidenti i Vllaznise, Valter Fushaj.
Bizhdili: Dua kohe, s'kam skuadren
Edhe presidenti i Beses, Nexhat Bizhdili, ka rene dakord per te zbritur ne fushen e lojes sot, por ndryshe nga te tjeter, ai ka darkuar disa lojtare ne shtepi dhe nuk e ka ende nje skuader gati per te perballuar Flamurtarin. Ai thekson se do t'i kerkoje pales vlonjate, qe ne mirekuptim ta spostojne ndeshjen e sotme per nje dite tjeter, sepse e ka ekipin te shperbere. "Disa lojtare kyc te Beses jane me leje dhe nuk dine gje per zhvillimet, do t'i kerkoj Flamurtarit ta spostojme ndeshjen".
Cipi: Padrejtesia eshte ulur kembekryq
Eshte anuluar ndeshja Flamurtari-Besa, e cila ishte parashikuar per t'u zhvilluar diten e djeshme, ne oren 15:00 ne stadiumin Flamurtari. Edhe pse gjithcka ka qene gati per zhvillimin e ndeshjes, vetem ne oren 14:50 ka ardhur njoftimi zyrtar nga federata se ndeshja do te zhvillohet neser. Sipas shefit te klubit te kuqezinjve, Geri Cipi: "Flamurtari do te respektoje kampionatin dhe vendimet e Federates Shqiptare te Futbollit. Situata aktuale eshte nje anomali dhe si nje padrejtesi qe tashme eshte ulur kembekryq". Skuadra e Flamurtarit ka nisur dje stervitjen per te pritur keshtu sot skuadren e Beses, per ndeshjen e caktuar ne oren 15:30 ne stadiumin Flamurtari.

SSSASS