Sot, masa e sigurisë për 6 grabitësit e kazinove

Sot pritet të jepet masa e sigurisë për 6 grabitësit e kazinove, të cilët u arrestuan 4 ditë më parë nga policia e Tiranës. Të arrestuarit, Bejo Pasha 24 vjeç, Niklovan Curraj 25 vjeç, Jonida Curraj 21 vjeç, Ani Rrapaj dhe Ilirian Ilimica, kanë mbërritur në ambientet e gjykatës.
 

Grupi kriminal u arrestua në kuadër të operacionit të koduar “Pritja e gjatë”, dhe arrestimi i tyre u bë pasi ata akuzohen për një seri vjedhjesh në kryeqytet.

Në vjedhjen e fundit, grabitësit thirrjes së policisë për tu dorëzuar i janë përgjigjur me zjarr dhe gjatë shkëmbimit të zjarrit është plagosur edhe një efektiv policie si dhe dy prej grabitësit dhe përkatësisht shtetasit Bejo Pasha dhe Niklovan Curraj.