Sot ne mesdite, ne Fakultetin Ekonomik, u zhvillua ceremonia e dhenies se titullit Profesor ne Shkencat e Ekonomise, Kryeministrit Fatos Nano. Ne prani te pedagogeve e studenteve te ketij fakultet

Sot ne mesdite, ne Fakultetin Ekonomik, u zhvillua ceremonia e dhenies se titullit Profesor ne Shkencat e Ekonomise, Kryeministrit Fatos Nano.

Ne prani te pedagogeve e studenteve te ketij fakulteti, perfaqesuesve te Komisionit te Kualifikimeve Shkencore, drejtuesve te Universitetit te Tiranes dhe Senatit te ketij Universiteti, te Profesoratit, Akademise se Shkencave, etj., Dekani i Fakultetit Ekonomik, Dhori Kule, ne fjalen e tij te hapjes se kesaj ceremonie, nder te tjera theksoi se, tashme, profesoreve te ekonomise u shtohet edhe nje emer i veçante, emri i Profesor Fatos Nanos, ish-student dhe pedagog i ketij fakulteti, tashme Kryeminister.

Ministri i Arsimit dhe i Shkences, Luan Memushi, njekohesisht dhe Kryetar i Komisionit te Kualifikimeve Shkencore, i dorezoi Kryeministrit Fatos Nano, diplomen e Tititullit te larte: "Profesor ne shkencat e Ekonomise".

Kryeministri Fatos Nano, duke falenderuar organizatoret dhe pjesemarresit e kesaj ceremonie u shpreh:

"Me sa duket, duhet te shkurtojme dhimbjet e lindjes se titujve, qe me bejne edhe mua sot me pak te shquar per dy arsye jetesore; sepse bashkohem me profesoratin dhe, e dyta, e konsideroj shume prekes momentin kur rikthehem midis jush.

Do t'i pergjigjesha menjehere profesor Kules me disiplinen qe ma njihni per ta respektuar ngarkesen mesimore te programuar, duke theksuar se realisht ajo qe me mungonte me shume ne keto vite te angazhuara ne veprimtarine politike, nuk ishte thjesht titulli Profesor por kontakti me auditorin, me koleget , studentet, pedagoget dhe profesore te mendimit dhe te sipermarrjes se mendimit ekonomik shqiptar.

Une besoj se fakti qe kjo ndodh rastesisht ne nje dite si e sotmja, kur ne nje salle tjeter jane mbledhur aktoret e mendimit dhe te veprimit shteteror dhe jo qeveritar, per te shqyrtuar ecurine e strategjise kombetare te zhvillimit ekonomik dhe shoqeror te vendit, eshte domethenes, jo vetem per programimin e ecjes dhe te progresit kombetar drejt standarteve te botes se perparuar, por dhe te potencialeve reale qe ka shoqeria shqiptare, qe ka mendimi ekonomik, qe ka politika ne dobi te zhvillimit dhe, ne menyre te vecante, sistemi i menaxhimit publik te resurseve te vendit.

Dua t' ju falenderoj te gjitheve per vleresimin, per vemendjen, per oponencen dhe opoziten, per bashkeveprimin ne nje proces qe tashme (edhe ceremonia e sotme eshte prove e ketij realiteti te madh) eshte bere perfshires dhe angazhues per te gjithe.

Une besoj se sa me shume te respektojme kontributet e njeri-tjetrit, vecanerisht te brezave te profesoratit shqiptar, qe kane krijuar institucionin e mendimit ekonomik, te edukimit ekonomik, te projektimit dhe zbatimit te strategjive te zhvillimit ekonomik drejt integrimit te vendit, qe nga i shume munguari Deko Rusi, deri tek i rehabilituari pas persekutimit te regjimit komunist profesor Hekuran Mara, tek korifejte e tjere te mendimit dhe ndertimit te sistemit te burimeve njerezore, te ekonomise shqiptare, qe jane te pranishem, duke iu uruar te gjitheve nje mirenjohje te pashtershme.

Faleminderit per pjesemarrjen dhe per bashkeveprimin qe me sa duket do te forcohet midis nesh".

Me pas Prof. Dr.Fatos Nano, zhvilloi me studentet e vitit te katert te deges Ekonomiks te Fakultetit Ekonomik, temen: "Integrimi dhe qendrueshmeria ekonomike".
Pas referimit, Prof.Dr. Fatos Nano iu pergjigj interesimit dhe pyetjeve te studenteve rreth kesaj teme.