Spanjë, arrin në 13 numri i të prekurve nga H1N1

Madrid - Numri i përgjithshëm i të prekurve nga virusi i gripit të derrave në Spanjë arrin në 13 persona. Tre raste të reja u konfirmuan sot nga Ministria spanjolle e Shëndetësisë.

Dy nga rastet e sotme regjistrohen në kryeqytetin Madrid, ndërsa rasti i tretë në qytetin jugor të Murcias. Autoritetet shëndetësore në Spanjë janë duke vëzhguar 84 raste të personave të dyshuar me këtë virus vdekjeprurës.