Spitalet, shefat e rinj për 56 shërbimet në Tiranë
Zgjidhen shefat që do të drejtojnë shërbimet në katër spitalet universitare që janë edhe institucionet më të mëdha shëndetësore në vend. Pas përfundimit të garës dhe emërimit të tyre, vetëm në tre nga shërbimet kyçe janë ndryshuar drejtuesit. Bëhet fjalë për tre shërbime në QSUT, ku tek ai Psikiatrisë, Anastas Suli zëvendësohet nga Arjel Çomo; te Kirurgjia Kardiake, në vend të Ali Rafetllarit do të jetë Edvin Prifti; dhe te Gastrohepatologjia vendoset Adriana Babameto, duke zëvendësuar Jovan Bashon. Ndërsa janë mësuar tashmë emrat e drejtuesve të 56 shërbimeve në katër spitalet universitare të vendit, pjesa më e madhe e të cilëve janë po ata që kanë drejtuar edhe më parë, vetëm dy shërbime në QSUT, Reumatologjia dhe Pediatria e Specialiteteve Nr.1 do t’i nënshtrohen procedurës së rizgjedhjes për shkak të balotazhit. Ajo që bie në sy pas përfundimit të vlerësimit është fakti se mjekët që kanë konkurruar të vetëm dhe janë emrat më të njohur të mjekësisë shqiptare, kanë marrë pa diskutim miratimin nga të pestë anëtarët e Bordit të Vlerësimit, që drejtohet nga vetë ministri i Shëndetësisë, vlerësim ky që përkthehet në 5 vota. Ministri i Shëndetësisë, Petrit Vasili, gjatë një konference për shtyp ka folur rreth përfundimit të procesit të emërimit të shefave të shërbimeve në Qendrën Spitalore Universitare “Nënë Tereza”, në Spitalin Universitar Obstetrik-Gjinekologjik “Koço Gliozheni” dhe në atë “Mbretëresha Geraldinë” si dhe në Spitalin e Mushkërive “Shefqet Ndroqi”. Ministri Vasili theksoi se procesi i përfunduar ditën e hënë ka shënuar një sukses në praktikën e përdorur dhe në mënyrën sesi kandidatët aplikuan, duke iu referuar drejtpërsëdrejti një praktike plotësisht bashkëkohore, të ngjashme me praktikat që përdoren në perëndim lidhur me këtë specifikë e që janë ndërtuar mbi sistemin e varësisë dyfishe (domethënë që janë shërbime që përmbushin edhe detyra të karakterit universitar e didaktik, por kanë edhe një obligim themelor, atë të dhënies së shërbimit ndaj qytetarit). Në cilësinë e kreut të Bordit të Spitalit Universitar, ministri Vasili bëri të ditur se ky bord ka marrë edhe një tjetër vendim të rëndësishëm. “Përsa i përket kandidatëve fitues, njerëz me eksperiencë të gjatë, por që janë në një moment pensionimi të afërt, u vendos se ata do ta vazhdojnë detyrën e tyre deri në momentin e daljes në pension. Kur ata të mbushim moshën e pensionit, do ta ndërpresin mandatin e shefit të shërbimit dhe në atë moment rihapet edhe njëherë procedura e konkurrimit, me kandidatura alternative që përsëri paraqiten në komisionin përkatës, të ngritur nga Këshilli i Profesorëve dhe do të jetë bordi ai që do të votojë përsëri”, - u shpreh ministri. Në përfundim, ministri i Shëndetësisë ka shprehur mirënjohjen e tij për të gjithë anëtarët e bordit, duke theksuar se mirëkuptimi, transparenca dhe eksperienca e tyre personale, por edhe e institucioneve që ata përfaqësojnë i dha një dimension bashkëkohor këtij procesi.
Votat për shefat e rinj të shërbimeve
Shërbimi i Hematologjisë
Arian Pushi
Pal Xhumari 5 me 0
Shërbimi i Gastrohepatologjisë
Adriana Babameto 3 me 2
Jovan Basho
Shërbimi i Hipertonisë dhe Mjekësisë Interne
Mihal Tase 5 me 0
Shërbimi i Nefrologjisë
Nestor Thereska 5 me 0
Shërbimi i Endokrinologjisë
Agron Ylli 5 me 0
Florian Toti
Shërbimi i Alergologjisë
Alfred Priftanji 4 me 1
Shërbimi i Reumatologjisë Balotazh
Argjend Tafaj
Teuta Baçka-Çiço
Shërbimi i Sëmundjeve Pulmonare
Pneumologji 1
Perlat Kapisyzi 5 me 0
Pneumologji 2
Silvana Bala 4 me 1
Pneumologji 3
Hasan Hafizi 5 me 0
Shërbimi i Biokimisë
Ndok Marku 3 me 2
Anyla Bulo
Teuta Dedej-Kurti
Shërbimi i Imunologjisë
Genc Sulçebe 3 me 2
Xheladin Çeka
Shërbimi i Mikrobiologjisë
Betim Byku 4 me 1
Andi Koraqi
Gentian Kasmi
Shërbimi i Semiologjisë Imazherike
Martina Veveçka–Heba 5 me 0
Shërbimi i Kardiologjisë Nr.1
Artan Goda 5 me 0
Shërbimi i Kardiologjisë Nr. 2
Petrit Bara
Spiro Qirko 4 me 1
Alban Dibra
Shërbimi i Mjekimit Intensiv
Idriz Balla 3 me 2
Sokol Myftiu
Shërbimi i Kirurgjisë Kardiake
Ali Refatllari
Edvin Prifti 3 me 1
Shërbimi i Sëmundjeve Vazale
Edmond Kapedani 4 me 1
Sokol Xhepa
Shërbimi i Sëmundjeve Infektive
Dhimitër Kraja 5 0
Shërbimi i Sëmundjeve të Lëkurës
Ermira Vasili 5 me 0
Shërbimi i Sëmundjeve Profesionale
Skënder Skënderaj 3 me 2
Niko Peçani
Shërbimi i Kirurgjisë së Përgjithshme
Nikollaq Kaçani 5 me 0
Shërbimi i Kirurgjisë Nr.1
Edmond Çeliku 5 me 0
Shërbimi i Djegie-Plastikës
Gjergji Belba 5 me 0
Shërbimi i Onkologjisë
Agim Sollaku 5 me 0
Shërbimi i Urologjisë
Mustafa Xhani 5 me 0
Shërbimi i Ortopedisë-Traumatologjisë
Eduard Gjika 4 me 1
Gjergji Çaushi
Shërbimi i ORL
Pjerin Radovani 4 me 1
Agron Strazimiri
Shërbimi i Okulistikës
Pajtim Lutaj
Ali Tonuzi
Vilma Mema 4 me 1
Shërbimi i Kirurgjisë Maksiofaciale
Ramazan Isufi 5 me 0
Shërbimi i Pediatrisë së Përgjithshme
Durim Bebeci 5 me 0
Shërbimi i Sëmundjeve Ngjitëse
Eli Foto 5 me 0
Shërbimi i Pediatrisë Speciale Nr.1 Balotazh
Evda Veveçka
Luljeta Serbo-Kota
Shërbimi i Pediatrisë Speciale Nr. 2
Paskal Cullufe 5 me 0
Shërbimi i Nefropediatrisë
Rezar Xhepa 5 me 0
Shërbimi i Terapisë Intensive
Sashenka Sallabanda 5 me 0
Shërbimi i Kirurgjisë Pediatrike
Hysen Heta 5 me 0
Shërbimi i Onko-Hematologjisë
Anila Godo 5 me 0
Shërbimi i Gjenetikës
Vahe Mokin 5 me 0
Shërbimi i Neurokirurgjisë
Mentor Petrela 5 me 0
Shërbimi i Neurologjisë
Jera Kruja 5 me 0
Shërbimi i Psikiatrisë
Ariel Çomo 5 me 0
Shërbimi i Obstetrikës Nr.1
Halim Kosova 5 me 0
Maksim Gjoni
Shërbimi i Gjinekologjisë Nr.1
Nikita Manoku
Avenir Balili 3 me 2
Shërbimi i Obstetrikës Nr. 2
Astrit Bimbashi 5 me 0
Shërbimi i Gjinekologjisë Nr. 2
Orion Gliozheni 5 me 0
Shërbimi i Patologjisë së Hershme dhe të Vonshme
Rubena Moisiu 5 me 0
Afërdita Manaj
Shërbimi i Anatomisë Patologjike
Mehdi Alimehmeti 5 me 0
Shërbimi i Mjekësisë Ligjore
Bardhyl Çipi
Sokrat Meksi 3 me 2
Shërbimi i Statistikës
Genc Burazeri
Elizana Petrela 3 me 2
Shërbimi i Terapisë Stomatologjike
Diana Brovina 4 me 1
Lindita Rusi
Shërbimi i Ortopedisë Stomatologjike
Ruzhdie Qafmolla 5 me 0
Shërbimi i Anestezi-Reanimacion
Aleksandër Hoxha
Ilir Ohri 5 me 0
Shërbimi i Urgjencës Mjekësore
Edmond Zaimi 5 me 0
Shërbimi i Toksikologjisë
Zihni Sulaj 5 me 0