Spitali i Gjirokastrës pajiset me skaner

Brenda tre muajve të gjithë pacientët që kanë nevojë për një vizitë me skaner nuk duhet të udhëtojnë deri në Tiranë. Pasi brenda kësaj kohe spitali "Omer Mishani" do të pajiset me një aparaturë të tillë. Drejtori i politikave të shëndetësisë pranë ministrisë së Shëndetësisë Pëllumb Pipero gjatë vizitës që ai pati në Gjirokastër me rastin e 60 vjetorit të krijimit të këtij spitali bëri me dije se paisja e këtij spiali me aparaturën e skanerit është e domosdoshme.

Një tjetër problem për spitalin e Gjirokastrës është dhe mungesa e impianitit të djegies së mbetjeve spitalore, problem ky i cilit është prezenet në pjesën më të madhe të spitaleve të vendit. Sipas Piperos pikërisht për këtë është duke u hartuar një strategji për zgjidhjen e kësaj situate e cila ndikon negativisht në shëndetin e qytetarëve.