Stan Dragoti, ne Tirane per projektet filmike

Ne pak muaj, regjisori hollivudian, Stan Dragoti, gjendet per te treten here ne Tirane. Bisedimet dhe projektet vijojne, por edhe koha shkon. Mbremjen e 18 prillit, Dragoti qe i pranishem ne ceremonine e certifikimit ISO te standardeve evropiane 9001-2000, te kompanise "Euro-Alba EA", ne mjediset e Piazza-s ne Tirane, ku tha edhe pak fjale per projektet e tij te ardhshme. Por, presidenti i kompanise, Kadri Morina, perpos marrjes se kesaj certifikate, permendi edhe fillimin e mbare te nje projekti me regjisorin Stan Dragoti. Cka e con ne dy numrin e projekteve filmike te Dragotit per Shqiperine. Njeri me fonde te qeverise shqiptare qe kalojne nga autoriteti kinematografik shqiptar, Qendra Kombetare e Kinematografise dhe tjetri nga Morina. "Via Albania" eshte i shumeperfoluri film qe do te kete ne qender hebrenjte ne Shqiperi dhe skenari mban firmen e Stan Dragotit dhe Fatmir Kocit. E tjetri flet per "Barbaret e Ballkanit". Dragoti u shpreh: "Jam ketu per te nenshkruar marreveshjen e dy filmave qe do te realizohen, dhe shpresoj shume qe, nepermjet tyre, te kemi nje tjeter imazh per Shqiperine ne bote". Fjalepake, Dragoti perfundoi duke pohuar: "Keto jane hapa teper te rendesishem qe duhen hedhur dhe une sapo vij nga Veriu i Shqiperise, Kosova dhe jam shume krenar sot per kete bashkepunim me mikun tim, Kadri Morina".