Starova, “serial killeri” i Partizanit

ASA (Albania Sport Agency)- Trajneri i Teutës, Sulejman Starova, mund të shndërrohet në një "serial killer" për ish-ekipin e tij Partizanin, që të mërkurën e kaluar e eliminoi në gjysmëfinalen e Kupës së Shqipërisë.
Teuta e Partizani do të përballen të shtunën në "Niko Dovana (ora 16:00) për herë të dytë brenda katër ditësh, në një sfidë shumë të rëndësishme vecanërisht për formacionin e trajnerit Lika, që do të përcaktojë dhe kahun e lëvizjes europiane të Partizanit, drejt Kupës UEFA (pak mundësi) apo Kupës Intertoto ( potencialisht e diskutueshme).
Edhe pse në katër përballjet direkt të këtij sezoni (2 në kampionat + 2 në Kupë) Partizani nuk ka humbur anjëherë me Teutën (1 fitore dhe 3 barazime) të kuqtë mbërrijnë në Durrës me një moral të dyzuar, ku pesha e elimiminit nga Kupa e ka rënduar së tepërmi gjendjen psikologjike në kampin e kuq.
Dy ekipet ndodhen në kuotë të barabartë pikësh, nga 54 dhe ndajnë vendet 3-4 në bazë të golaverazhit më të mirë të kuqve (+18) kundrejt + 11 të Teutës.
Teuta, që të mërkurën fitoi për herë të nëntë vendin e finalistet në Kupës së Shqipërisë, synon rezultat pozitiv me Partizanin, ndaj të cilit në shtëpi ka marrë dy barazime, por pa shënuar gol. Golashënuesi më i mirë i Teutës, Daniel Xhafaj (16 gola), i cili është në duel me kryesuesin e Tiranës, Vioresin Sinani (19 gola) për "Këpucën e artë", pohoi për mediat sportive se ekipi i tij, pervec fitimit të Kupës (në finale me Besën) lufton dhe për vendin e dytë, që e synojnë tri ekipe: Vllaznia, Partizani dhe Teuta.
Partizani do të vuajë për shkak të kartonave mungesën e mbrojtësit të fuqishëm Rrahman Hallaci, autori i golit të parë në fitoren 2-0 me Apoloninë, ndërkohë që Teuta nuk ka asnjë lojtar të pezulluar.
Rikthimi i mesfushorit Elis Bakaj (mungoi edhe në ndeshjen e Kupës ndaj Teutës) i jep më shumë besim trajnerit Lika për të synuar fitoren e shtatë radhazi në kampionat, kësaj radhe në fushën e Teutës, që në 14 javët e para në "Niko Dovana" nuk ka humbur asnjë takim (9 fitore, 5 barazime) duke vendosur edhe një rekord ekipor.
Derbi i tretë, kolorit bardhe e blu
Tirana synon fitoren e tretë radhazi me Dinamon në këtë sezon, kur dy të parat kundër "Bluve" i ka fituar me rezultatin e njëjtë 2-1. Golashënuesi më i mirë i kampionatit, sulmuesi shkodran Vioresin Sinani, i cili ka dy ndeshje pa shënuar, kërkon golin e 20 personal në kampionat. Kur kanë mbetur edhe pesë javë kampionat, Tirana, që fitoi një ndeshje të dyshimtë në Elbasan (2-1) ndodhet pesë pikë para tri ndjekësve të saj dhe është afër fitimit të titullit të 23-të saj. Dinamo vjen në derbin me rekordmenen shqiptare pas katër humbjeve radhazi.
Shansi i fundit
Apolonia do të luajë shansin e fundit të mbijetesës në Kategorinë Superiore. Skuadra fierake që pozicionet në vendin e fundit do të presë në "Loni Papuciu", Kastriotin e vendit të 9 që ka shtatë pikë më shumë se skuadra e Andrea Markos.
Beteje pa shikues
Luftëtari, që në gjashtë ndeshjet e fazës së tretë ka marrë vetëm një pikë do të përballet në shtëpi me Flamurtarin, që tashmë ka siguruar qendrimin në Superligë. Ndeshja në "Gjirokastra" do të zhvillohet pa praninë e shikuesve.

---------------------------
KATEGORIA SUPERIORE
JAVA 29
E shtunë, 28 prill, ora 16:00

TIRANA-DINAMO, P.Lapi
VLLANZIA-BESA, K.Meta
TEUTA-PARTIZANI, B.Pashaj
SHKUMBINI-ELBASANI, A.Janku
LUFTËTARI-FLAMURTARI, B.Breshanaj
APOLONIA-KASTRIOTI, E.Dobi

1 Tirana 60 18 6 4
2 Vllaznia 55 16 7 5
3 Partizani 54 16 6 6
4 Teuta 54 15 9 4
5 Besa 40 11 7 10
6 Elbasani 36 10 6 12
7 Dinamo 35 10 5 13
8 Flamurtari 32 9 5 14
9 Kastrioti 29 7 8 13
10 Shkumbini 28 8 4 16
11 Luftëtari 23 6 6 17
12 Apolonia 22 6 3 18

Të pezulluarit: Kaci (Elbasani), Dibra (Luftëtari), Shoshi (Apolonia), Behari (Flamurtari), Hallaci (Partizani), Caca (Kastrioti), Gjata (Shkumbini).

KATEGORIA E PARË
JAVA 24
E shtunë, 28 prill, ora 16:00

BILISHTI-TURBINA, A.Nasse
SOPOTI-PORGRADECI, Sh.Guce
TEPELENA-LACI, A. Kastrati
TOMORI-SKËNDERBEU, A.Lulaj
LUSHNJA-ERZENI, E.Sino
GRAMSHI-BESËLIDHJA, M. Metohia
BURRELI-ADA (Nuk luhet)

1 Skënderbeu 50 15 5 2
2 Besëlidhja 45 13 6 2
3 Turbina 42 13 3 5
4 Lushnja 39 12 3 6
5 Laci 34 9 7 7
6 Erzeni 29 9 2 10
7 Tepelena 25 7 4 10
8 Gramshi 25 8 1 12
9 Pogradeci 27 8 0 13
10 Sopoti 22 6 4 11
11 Bilishti 20 7 2 12
12 Ada 18 5 3 14
13 Tomori 17 5 2 14
14 Burreli 0 0 0 0

Të pezulluarit: Pengu (Bilisht Sport), Jahaj (Pogradeci), Arberi (Tomori), Smajli, Roshi, E. Gega (të tre të Besëlidhjes), A.Gega (Gramshi), Xhagalliu, Xhafa, Dhima (të tre të Lushnjës), Metaj, Cela (të dy të Turbinës).