Stefa: Rikandidimi i Rames, nje e ardhme e zymte ne PS

Kundershtaret e zotit Rama brenda selise roze, intensifikojne takimet me mbeshtetesit e tyre ne baze, pak jave perpara mbajtjes se kongresit te jashtezakonshem. Ne nje interviste per TV "Klan" anetarja e Asamblese se PS-se, Rajmonda Stefa, deklaroi dje se ne themel te ketyre diskutimeve eshte njohja paraprake me platformen qe do te paraqese ne kongresin e 29 gushtit anetari i asamblese se PS-se Ben Blushi. Platforme kjo qe perqendrohet ne tre shtylla kryesore, e ardhmja staturore dhe ajo programore si dhe pozicioni i PS-se ne opozite. Por mbajtja e kongresit te jashtezakonshem ne 29 gusht, hap njekohesisht dhe garen per kreun e ri te Partise Socialiste, pas nderprerjes se mandatit te zotit Rama nga posti i kreut te selise roze. Per zonjen Stefa, nje rikandidim nga ana e tij paralajmeron nje te ardhme te zymte ne PS, duke shenuar keshtu dhe disfaten e radhes per socialistet. Deklaratat e zonjes Stefa, vijne ne nje kohe kur brenda kupoles roze, por dhe ne baze, zerat qe i kerkojne zotit Rama te largohet po shtohen dita-dites. Aksioni politik i dy prej kundershtareve te Rames, Ben Blushit dhe Arben Malajt, ka nisur te ravijezohet permes platformave dhe projekteve konkrete qe pritet te marrin udhe ne kongresin e 29 gushtit.