Stefanoviq: Pa respektimin e 1244, s'ka marrëveshje

Shefi i ekipit negociator serb, Borisllav Stefanoviq ka thënë se është i gatshëm për vazhdimin e dialogut sa më shpejt që të jetë e mundur, por pa respektimin e rezolutës 12 44 në përfaqësimin rajonal të Kosovës, nuk ka hapësirë për marrëveshje.

“Presim që të respektohet ajo që është fakt i njohur ndërkombëtar- Rezoluta 12 44. Pa të nuk ka hapësirë për marrëveshje. Qëndrimi i ngurtë i Prishtinës është i pritshëm. Shpresoj se ka hapësirë për ndryshimin e këtij qëndrimi”, tha Stefanoviq, siç transmeton Evropa e Lirë.

Sipas tij, qeveria e Kosovës ka problem me opozitën, e cila çdo “marrëveshjeje me Serbinë e sheh si tradhti dhe si heqje dorë nga pavarësia”.