Studentët e Kamzës, grevë për diplomat

Protesta e studentëve të Universitetit Bujqësor të Kamzës, pasi duket se ka rënë në veshë të shurdhur ka detyruar që studentët e këtij universiteti të futen në grevë. Ata kanë zgjedhur ambientet e Universitetit të Kamzës për të hyrë në grevë. Pas një konfrontimi me policinë 15 studentet kanë arritur të zënë një nga sallat e fakultetit të Agrobiznesit nga e cila janë edhe pjesa më e madhe e studentëve që kanë hyrë në grevë. Studentët e Kamzës kërkojnë të vazhdojnë studimet në nivelin e dytë per të marrë Diplomat e Nivelit të Dytë, sipas Kartës së Bolonjës. Por, universiteti ka vendosur mesetaren e pranimit 7 për studentët që do të kalojnë në nivelin e dytë. Sipas studenteve ata janë njohur e këtë vendim vetëm në fund të vitit të tretë.
Studentët e universitetit të Kamzës bëjnë të ditur se do të qëndrojnë në grevë deri në plotësim të kërkesave të tyre dhe pse mund të rrezikojnë shëndetin.