Studimet jashte, njihen 346 diploma

Ministria e Arsimit ka publikuar emrat e 346 personave, te cilet e kane kryer arsimin e larte jashte vendit dhe qe u jane njohur diplomat. Te gjitha keto diploma jane njohur ne harkun kohor, prill-maj. Sipas Ministrise se Arsimit dhe Shkences, procesi i njohjes se diplomave vazhdon dhe te gjithe ata qe duan te aplikojne, mund ta bejne nje gje te tille, duke plotesuar dokumentacionin e nevojshem. Ministria e Arsimit dhe Shkences e ka bere publike dje listen me emrat e ketyre kandidateve, te cilet mund te shkojne dhe te marrin certifikaten prane ketij dikasteri.
Procedurat
Kjo eshte nje procedure qe i nenshtrohen te gjithe ata qe kane mbaruar shkollen e larte jashte vendit, por duan te fillojne pune ne Shqiperi. Keshtu, dosja e aplikimit duhet te permbaje formatin e aplikimit te plotesuar, diplomen ose certifikaten/vertetimin e diplomimit, listen e notave, dokument zyrtar identiteti si karte identiteti ose fotokopje e pasaportes, ndersa per shtetasit e huaj: fotokopje e pasaportes dhe kartes se identitetit; mandatpagesen si dhe dy foto me format pasaporte. Aplikimi nuk pranohet nese mungon nje nga dokumentet me siper. Dokumentet pranohen origjinale ose fotokopje te noterizuara. Aplikanti dorezon dosjen ne Zyren e Marredhenieve me Publikun, e cila pranon dosjen vetem nese ajo eshte plotesuar. Pas pranimit te aplikimit, aplikanti pajiset me nje leter konfirmimi si dhe vertetim per aplikimin, me perjashtim te rasteve ose gruprasteve kur Komisioni i Njohjes vendos leshimin e vertetimit pas realizimit te kushteve paraprake.
Afatet
Dosja e aplikimit perfundohet ne Ministri dhe brenda 3 muajve i percillet Komisionit te MASH-it. Per ato dosje qe nuk eshte perfunduar procedura per shkaqe qe nuk varen nga Sektori i Njohjes, Komisioni mblidhet dhe vendos shtyrjen e afatit. Percjellja e dosjes ne Komision, shqyrtimi i dosjes dhe permbyllja e te gjitha procedurave deri ne leshimin e certifikates perfundon dy jave pas plotesimit te dosjes. Vetem pasi diploma qe ata kane ekuivalentohet me sistemin shqiptar ata kane te drejte ta perdorin kete diplome per te kerkuar nje vend pune edhe ne Shqiperi. Sikurse behet e ditur, njehsimi i diplomave te shqiptareve qe e kane kryer shkollen e larte jashte shtetit, behet sipas sistemit arsimor ne vendin tone.

Dokumentet qe nevojiten per njohje:
Formati i aplikimit i plotesuar
Diplomen ose certifikaten/vertetimin e diplomimit
Listen e notave
Fotokopje e kartes se identitetit ose pasaportes
Mandat-pagesen
Dy foto, format pasaporte