Studimet ne Itali, perfundon afati per dokumentet

Perfundon afati zyrtar per dorezimin e dokumenteve ne ambasaden italiane, per te gjithe kandidatet per ne universitetet italiane. Kjo ambasade kishte shpallur si afat harkun kohor 12 korrik - 30 korrik per te kryer kete proces. Ne vijim te verifikimit per plotesimin e kritereve te parashikuara nga normativa dhe te konfirmimit nga ana e Universiteteve italiane, Ambasada Italiane do te leshoje vizat hyrese per studim. Ne baze te normatives ne fuqi, keto lloj vizash do te jene te vlefshme nga data 24 gusht 2010 deri me 31 janar 2011. Pasaporta do t’u kthehet te interesuarve me ane te korrierit postar “Albanian Courier”, bashke me dokumentacionin qe studentet duhet te paraqesin ne origjinal, prane universitetit ne Itali (titujt e studimit, te legalizuar, diplomen CELI 3, etj). Per ridorezimin e dokumenteve, studentet duhet t’i paguajne korrierit nje tarife prej 198 lekesh (perfshire TVSH) nese banojne ne Tirane, dhe 300 leke (perfshire TVSH) nese banojne ne qytete te tjera. Sipas Ambasades Italiane, procesi i ridorezimit te pasaportes dhe dokumenteve te legalizuar, do te kryhet nga data 18 deri me 21 gusht 2010. Nuk eshte e nevojshme qe studentet te paraqiten personalisht ne ambasade. Nderkaq, behet me dije se fituesit do te shpallen me 10 gusht. Ambasada do te beje seleksionimet e tyre, sipas dokumenteve dhe aplikimit, gjate kesaj periudhe.