Subashi Materialet te dergohen ne qendrat e numerimit

"Të fillojë dorëzimi i bazës materiale në qendrat e numërimit të votave. Bëj thirrje për ata që ndjekin direkt KQZ-në, të jenë korrekt me zbatimin e kësaj procedure për vetë komisionerët që e kanë detyrim, por edhe të gjithë qytetarët që për një arsye apo për një tjetër nuk kanë mundur të jenë prezent gjithë ditën në qendrën e votimit dhe s'kanë mundur të jenë prezent as në orën 19.00, që ligji përcakton mbylljen e procesit të votimit në të gjitha qendrat në Shqipëri.

Uroj që edhe procedura e fundit të respektojë rregullat e Kodit Zgjedhor për të vazhduar me pjesën tjetër të procesit. Ndër problematikat që gjatë ditës kam bërë edhe prononcim ka qenë ajo që i përket bojës, që në gjykimin tim KQZ nuk i dha vëmendjen e duhur. Atëherë, për t'iu rikthyer çështjes së të paraburgosurve për të qenë në qendrën e votimit. ishte një procedurë që do diskutohet në KQZ nëse do ketë një ankim të mirëfillitë ashtu siç parashikon Kodi Zgjedhor"-tha Subashi.