Sulm terrorist në Rusi, tetë viktima

Të paktën tetë persona mbetën të vrarë dhe 20 të tjerë u plagosën, kur një autobombë shpërtheu pas mesditës të së hënës në rajonin e turbulluar rus të Kaukazit Verior. Shpërthimi, i regjistruar në Makhachkala, kryeqyteti i Republikës gjysmëautonome të Dagestanit, shkaktoi edhe dëme të shumta materiale.

Sipas medieve ruse, në shënjestrën e këtij sulmi terrorist ishin autoritetet policore vendore, pasi ngjarja ndodhi pranë një komisariati.

Një tjetër autobombë u zbulua nga ekspertët dhe u çakitivizua, ndërsa një autobombë e tretë shpërtheu gjithashtu gjatë ditës.

Në Kaukazin Verior, ku janë të përqendruar shumica e rusëve myslimanë, zhvillohet një luftë separatiste me qëllim shkëputjen nga varësia e Moskës që prej rënies së Bashkimit Sovjetik, në fillim të viteve 1990.

Tamerlan dhe Dzhokhar Tsarnaev, të bërë të njohur për opinionin botëror si autorët e vendosjes së bombave në maratonën e Bostonit në muajin prill, atentat që i kushtoi jetën tre amerikanëve dhe plagosi 170 persona, ishin edhe ata dy çeçenë etnikë, me banim në Dagestan./Indeksonline./