Sulmi i Ramës ndaj News24, reagon Agron Shehaj: Media po e bën punën siç duhet, s’ka pse të heshtë që kryeministri të vjedhë rehat

Kreu i Partisë Mundësia, Agron Shehaj, ka reaguar pas sulmit të kryeministrit Edi Rama ndaj News24, duke e cilësuar qëndrimin e tij si një tregues se media po e kryen siç duhet detyrën.

Përmes një reagimi, Shehaj akuzon kryeministrin se, pas përdorimit të policisë kundër studentëve dhe protestuesve, tashmë po sulmon edhe median që prej muajsh transmeton protestat dhe u jep zë qytetarëve.

“Kur një autokrat i korruptuar si Edi Rama sulmon një media, do të thotë që kjo media po e bën punën siç duhet”, shkruan Shehaj.

Ai thekson se transmetimi pa censurë i protestave është detyrë e medias, veçanërisht në momentin që po kalon vendi.

“News24 nuk ka pse të heshtë që Rama të vazhdojë të vjedhë rehat”, shkruan deputeti.

Agron Shehaj: Kur një autokrat i korruptuar si Edi Rama sulmon një media, do të thotë që kjo media po e bën punën siç duhet.

Pasi ka përdorur dhunshëm policinë kundër studentëve dhe protestuesve, tani sulmon News24, sepse prej muajsh transmeton protestat dhe u jep zë qytetarëve.

Transmetimi pa censurë është detyrë e medias, sidomos për momentin historik në të cilin ndodhet Shqipëria. Neës 24 nuk ka pse të heshtë që Rama të vazhdojë të vjedhë rehat.