Reagon botuesi i News24: Sulmet e Edi Ramës na bindin edhe më shumë se jemi në rrugën e duhur

Presidenti i “Hysenbelliu Group”, njëherësh botuesi i “News24” ka reaguar pas sulmeve të kryeministrit Edi Rama ndaj televizionit informativ News24, që po pasqyron me korrektësi dhe transparencë protestën e qytetarëve që prej ditë së parë.

DEKLARATA E BOTUESIT TË NEWS24, IRFAN HYSENBELLIU

“E falënderoj sot Edi Ramën që më sulmoi për mbështetjen mediatike që i jap protestës studentore.

Ky sulm më bind edhe më shumë se unë dhe grupi mediatik jemi në rrugën e duhur dhe se problemi kryesor i Ramës është televizioni News24, i cili pasqyron protestën që nga dita e parë.

E kam për nder të jem në krah të popullit tim, të së drejtës së tij për të protestuar.

Kur pushteti të sulmon për qëndrimin që mban në krah të qytetarëve, kjo nuk është arsye për t’u tërhequr, por për të qëndruar edhe më fort.

Ne nuk na trembi tritoli, aq më pak do të na trembin deklaratat kërcënuese!”, thuhet në reagimin e botuesit të News24.