Sulmi ndaj PD në Shkodër, Berisha: Provokim i ulët i Ramës, nuk lëkundemi në mbështetjen e studentëve

Kreu i PD-së Sali Berisha foli në një prononcim nga selia blu mbi dhunimin e selisë së Partisë Demokratike në Shkodër ditën e sotme.

Berisha shprehet se ajo ishte një provokacion i ulët i Edi Ramës, ndërsa shton se PD mbështet fuqishëm protestën e të rinjve që do çojë në fitoren e tyre dhe largimin e Ramës.

Berisha: Jam këtu për të paralajmëruar Edi Ramën se asnjë lloj provokacion i ulët i llojit që organizoi në Shkodër ndaj selisë së PD, nuk do lëkundë kurrë gjer në fitore mbështetjen totale të PD për revoltën studentore.