Sulmi në Afganistan, vdes 1 komando shqiptar, tjetri në koma
TIRANE - Dy komando shqiptarë janë sulmuar sot në Afganistan. Ngjarja është regjistruar në Kandahar, në orën 15:05, ku në drejtim të komandove të Kontigjentit “Eagle-4”, është hapur zjarr prej efektivëve të policisë afgane, sic njofton Ministria e Mbrojtjes.
Prej sulmit u raportua fillimisht se mbetën të vrarë dy komandot shqiptarë Kapiten Feti Vogli, 31 vjec nga fshati Shpat i komunës Baldushk në Tiranë dhe specialisti i armatimit Aleksandër Peci 23 vjec nga Lekbibaj i Tropojës, por pak orë më vonë u deklarua se Peci ndodhej në vdekje klinike, duke lënë të hapura shpresat se ai mund të mbijetojë.
Ministria e Mbrojtjes sqaroi se ngjarja ka ndodhur në fshatin Robat 2, në Kandahar ku Grupi i 1-rë Special, i drejtuar nga Kapiten Feti Bedri Vogli, si dhe një grup nga Bat.2-38 CAV, janë sulmuar teksa ishin në mision patrullimi.
Ata kishin detyrë të patrullonin dhe siguronin jetën e “personelit të shërbimit të inteligjencës dhe USAID-it”, të cilët po zhvillonin një takim për të bërë të mundur hapjen e dy shkollave dhe një qendre shëndetësore në këtë fshat. Por papritur, në drejtim të tyre është hapur zjarr nga efektiva të policisë lokale.
Po sipas njoftimit të ministrisë, gjatë shkëmbimit të zjarrit janë plagosur 3 ushtarakë, një ushtarak i një vendi aleat dhe dy ushtarakë të Kontingjentit “Eagle-4", ndërsa njëri prej tyre humbi jetën në spital. Ndërkohë që mësohet se janë arrestuar 11 policët afganë, që hapën zjarr në drejtim të efektivave tona.
Kjo është hera e parë që një komando shqiptar, pjesë e misionit paqeruajtës të NATO-s humb jetën në Afganistan. Komadot ishin pjesë e misioni të forcave paqeruajtese “Eagle 4″ i cili është nisur për në Afganistan më 16 janar 2012.
Berisha: Ngushëllime familjes Vogli, shërim të shpejtë Nëntetarit Peci
Ora: 21:25 - Kryeministri Berisha i shprehu ngushëllimet e tij familjes së Kapiten Feti Vogli, i cili ra në krye të detyrës, në Kandahar të Afganistanit. Sipas njoftimit të publikuar në faqen zyrtare të Kryeministrisë, Berisha theksoi se vepra dhe kujtimi tij do të nderohet gjithmonë.
“Ai sot ju mungon juve, vëllezërve të armëve, me të cilët luftoi në Kandahar, Forcave tona të Armatosura dhe kombit që e nisën në këtë mision të rëndësishëm paqeje. Shpirti i tij do të prehet në altarin e lirisë së kombit shqiptar dhe kombit afgan, për të cilën flijoi jetën e tij.”- u shpreh Berisha.
Ndërkohë kryeministri Berisha i uron shërim Nëntetarit Aleksandër Peci, i cili u plagos në krye të detyrës dhe që aktualisht ndodhet në gjendje kritike.
Komandanti i ISAF-it i telefonon kryeministrit Berisha
Ora: 21:20 - Komandanti i ISAF-it, Gjenerali John Allen i telefonoi Kryeministrit Berisha dhe i shprehu ngushëllimet për Kapiten Voglin që ra burrërisht në krye të detyrës, si dhe vlerësimet më të mëdha për ushtarakët shqiptarë, virtytet dhe aftësinë e tyre, në përmbushjen e detyrave në zona të ndryshme të Afganistanit. Komandant Allen i kërkoi Kryeministrit t’i përcjellë ngushëllimet e tij familjes së Kapiten Voglit.
Gjeneral Allen e siguroi Kryeministrin se do të bëhet gjithçka që autorët e këtij akti të marrin ndëshkimin e merituar ligjor.
Kryeministri Berisha, nga ana e tij, e falenderoi Gjeneral Allen për telefonatën dhe ngushëllimet dhe e siguroi atë se Forcat e Armatosura të Shqipërisë dhe qeveria shqiptare kanë besim të madh se trupat e ISAF, nën komandën e Gjeneralit Allen, do të përmbushin me sukses të gjitha detyrimet e misionit të tyre historik dhe se Shqipëria është e vendosur të japë kontributin e saj në këtë mision.
Xhaxhai i Pecit: Shpresojmë që Aleksandri të shpëtojë
Ora 21:07- Xhaxhai i Aleksandër Pecit, Nikoll Peci në një komunikim për News 24 rrëfen momentet e tronditjes së familjes kur pësuan lajmin e hidhur. Ai u shpreh se fillimisht morën lajmin që Aleksandri ishte plagosur, më pas që kish vdekur e së fundmi se ai ndodhej në gjendje kome. Pikërisht ky lajm i fundit mbylli derën e mortit që familja kishte hapur prej dy orësh.
“Morëm një lajm shumë të hidhur, pësuam një tronditje të pazakontë, kur na thanë se ka vdekur. Por dy orë më pas na thonë që ai nuk ka vdekur, shpresojmë që të ketë kismetin të jetojë”, deklaroi ai për News 24.
Ai rrëfeu gjithashtu se Aleksandri ka komunikuar mbrëmë për herë të fundit me të atin. Nga familjarët mësohet gjithashtu se 23 vjecari ishte i fejuar prej 8 muajsh, ndërsa me kthimin e tij në korrik do të bënin edhe dasmë.
Xhaxhai i Feti Voglit: Lajmin e morëm nga shokët e tij
Ora: 20:50 - Gazetarët e News24 mbërritën menjëherë në familjen e komandantit Feti Vogli, i cili ra në krye të detyrës në Kandahar. Gazetari Spartak Koka bisedoi me xhaxhain e komandantit, Ndriçim Vogli, i cili bëri të ditur se lajmin e hidhur e kishte marrë nga shokët e Fetiut, të cilët i kishin thënë fillimisht se nipi i tij ishte plagosur rëndë.
31-vjeçari Feti Vogli ishte i martuar dhe ka lënë jetime një vajzë të vogël, vetëm 3 vjeç. Ai ishte duke kryer misionin e tretë paqeruajtës gjatë karrierës së tij ushtarake, pasi kishte kryer më parë me sukses edhe dy misione të tjera në Irak.
MM: Nëntetar Peci në spital, në gjendje kome
Ora 20:30- Nentetar Aleksander Peci, i cili u raportua se kishte humbur jetën pas një sulmi në Afganistan, aktualisht ndodhet në spital në gjendje kome dhe ka ende shpresë përmirësimi. Zëdhënësi i Ministrisë së Mbrojtjes, në një konferencë shtypi pak çaste më parë, sqaroi se "në orën 17:15 Komandanti i Kontigjentit "Eagle 4" në Kandahar, Afganistan, Kolonel Behar Mara njoftoi Qendrën e Bashkuar Operacionale, në Shtabin e Përgjithshëm të Forcave të Armatosura se N/Tetar Aleksandër Peci kishte ndërruar jetë në Spitalin Ushtarak të Komandës ISAF, Rol 3 në Kandahar".
I njëjti konfirmim, vijoi ai, ka mbërritur në orën 17.55 minuta nga ana e Komandës Ushtarake të NATO-s, në Shape, Belgjikë. Por, sipas një njoftimi të dytë nga Komandanti i Kontigjentit "Eagle 4" në Kandahar, Afganistan, Kolonel Behar Mara, tha zëdhënësi i MM, "konfirmohet se N/Tetar Aleksandër Jak Peci, i cili u raportua se kishte humbur jetën, tashmë ndodhet në gjendje kome dhe ka ende shpresë përmirësimi".
Ai bëri të ditur se ekipi mjekësor i specializuar po monitoron hap pas hapi ecurinë e gjendjes së tij shëndetësore.
Familjarët: Aleksandër Peci në vdekje klinike
Ora 20:10- Gazetari i News24 Erjon Skëndaj, i ndodhur pranë familjes së komandos Aleksandër Peci, deklaron se aty është ndezur një fije shprese se ai mund të jetë gjallë.
Sipas tij “Dy ushtarakë të repartit të Zall Herrit kanë sjellë një lajm tjetër në familjen Peci. Sipas tyre 23 vjecari është në gjendje të rëndë, në vdekje klinike. Ai mbahet në jetë me aparatura”.
Ministria e Mbrojtjes: FA humbën dy ushtarë të zotë
Ora 18:30- Në një konferencë për shtyp, Ministria e Mbrojtjes sqaroi edhe njëherë se vrasja e dy komandove shqiptarë në Kandahar është bërë nga “një grup personash të veshur me uniformën e policiëve afgane”.
Ministria e Mbrojtjes ngushëllon familjet e tyre duke theksuar se, “Forcat e Armatosura humbën dy ushtarakë të zotë, të devotshëm, të përgatitur më së miri për plotësimin e detyrave në shkallë shumë të lartë vështirësie, ndërsa familjet humbën njerëzit e dashur. Janë marrë të gjitha masat për riatdhesimin, ceremonialin e ndërimit dhe mbështetjen financiare të familjeve”, thuhet në njoftim.
Rama: Sakrifica e tyre sublime, kontribut i paçmueshëm i Shqipërisë
Ora:18:20- Kryetari i Partisë Socialiste Edi Rama e cilësoi si një humbje të madhe për të gjithë shqiptarët vrasjen e dy komandove shqiptarë në Afganistan. Shefi i opozitës shprehu ngushëllime për familjet e viktimave, duke theksuar njëkohësisht edhe “mirënjohjen për shërbimin e lartë patriotik që dy dëshmorët më të rinj të Shqipërisë i bënë vendit tonë.”
“Fjalët nuk mund të mjaftojnë dot për ta shprehur si duhet vlerën e sakrificës sublime të Feti Voglit dhe Aleksandër Peçit, të cilët fatkeqësisht mbyllën sot sytë përgjithmonë duke i shërbyer kauzës së madhe të botës së lirë në luftën me një të keqe që synon asgjësimin e vetë lirisë së botës. Sakrifica e tyre sublime është një kontribut i paçmueshëm i Shqipërisë së vogël për botën e madhe demokratike.”- shkruhet në mesazhin e kryesocialistit.
Topi: Treguan heroizëm për vlerat e demokracisë
Ora:18:15 - Presidenti i Republikës Bamir Topi shprehu pikëllimin e thellë për rënien në krye të detyrës të paqeruajtësve shqiptarë, në Afganistan. Përmes një mesazhi të bërë publik sot pasdite, Presidenti Topi, njëkohësisht Komandanti i Forcave të Armatosura të Shqipërisë, shpreh ngushëllimet e sinqerta për familjarët e paqeruajtësve shqiptarë, Feti Vogli dhe Nëntetarit Aleksandër Peçi.
“Në këto momente të rënda e tragjike, më lejoni t’ju shpreh në emër të mbarë shtetit shqiptar ngushëllimet më të ndiera për ndarjen nga jeta të njerëzve tuaj të shtrenjtë e të pazëvendësueshëm! Më lejoni që si President i Republikës si dhe Komandant i Përgjithshëm, të jem pranë jush për të ndarë këtë dhimbje të madhe dhe për t’ju shprehur konsideratën më të lartë personale e institucionale për jetën dhe sakrificën sublime të këtyre dy heronjve të Forcave tona të Armatosura!”- thuhet në mesazhin e Presidentit Topi.
Trupi diplomatik: Ngushëllime për familjarët e viktimave
Ora 18:10- Trupi diplomatik i akredituar në vendin tonë ka përcjellë me dhimbje humbjen e jetës së komandove shqiptarë në Afganistan.Në një mesazh ngushëllimi ambasadorët shprehën mes të tjerash se vlerësojnë kontributin e vendit tonë në Afganistan dhe rolin e forcave tona paqeruajtëse. Në mesazhin e tyre ambasadorët shprehin ngushëllime për familjarët e viktimave.
Misioni “EAGLE 4” në Afganistan
Dy komandot shqiptare që humbën jetën sot në afërsi të Kadaharit ishin pjesë e misionit “EAGLE 4” që u nisën nga Tirana drejt Afganistanit në 16 janar të këtij viti.
“EAGLE 4” ishte kontigjenti i 10-të paqeruajtës, të cilit iu bashkuan edhe 5 efektivë të Policisë së Shtetit, të gjithë pjesë e kontigjentit OMLT 2, të ekipit trajnues të policisë afgane.
Kontingjenti “EAGLE 4” përbëhej nga 45 efektive të Batalionit të Forcave Speciale. Ky kontingjent zëvendësoi kontingjentin “EAGLE 4”, i cili ndodhej me mision luftimi në terren, në vijën e parë të frontit të luftës në Kandahar, Afganistan.
Kontingjenti “EAGLE 4” u atashua pranë Komandës së Forcave Speciale Amerikane dhe drejtohej nga Nënkolonel Behar Mara. Ky kontigjent eshtë në përbërje të komandës së forcave italiane në Herat dhe drejtohet nga Nënkolonel Arben Kingji.
(ma.ar/er.nu/BalkanWeb) Lidhje te tjera Biografia e kapitenit Feti Vogli Biografia e N/tetar Aleksandër Peci, i plagosur Topi: Treguan heroizëm për vlerat e demokracisë Berisha: Ngushëllime familjes Vogli, shërim të shpejtë Nëntetarit Peci Rama: Sakrifica e tyre sublime, kontribut i paçmueshëm LSI dënon sulmin, ngushëllon familjen Vogli Trupi diplomatik shpreh ngushëllime për familjarët 20 janar, ushtari afgan vrau 4 francezë, Parisi pezulloi operacionet VIDEO: Ministria e Mbrojtjes: FA humbën dy ushtarë të zotë VIDEO: Sulmi në Afganistan, vdes 1 komando shqiptar, tjetri në gjendje kome
Prej sulmit u raportua fillimisht se mbetën të vrarë dy komandot shqiptarë Kapiten Feti Vogli, 31 vjec nga fshati Shpat i komunës Baldushk në Tiranë dhe specialisti i armatimit Aleksandër Peci 23 vjec nga Lekbibaj i Tropojës, por pak orë më vonë u deklarua se Peci ndodhej në vdekje klinike, duke lënë të hapura shpresat se ai mund të mbijetojë.
Ministria e Mbrojtjes sqaroi se ngjarja ka ndodhur në fshatin Robat 2, në Kandahar ku Grupi i 1-rë Special, i drejtuar nga Kapiten Feti Bedri Vogli, si dhe një grup nga Bat.2-38 CAV, janë sulmuar teksa ishin në mision patrullimi.
Ata kishin detyrë të patrullonin dhe siguronin jetën e “personelit të shërbimit të inteligjencës dhe USAID-it”, të cilët po zhvillonin një takim për të bërë të mundur hapjen e dy shkollave dhe një qendre shëndetësore në këtë fshat. Por papritur, në drejtim të tyre është hapur zjarr nga efektiva të policisë lokale.
Po sipas njoftimit të ministrisë, gjatë shkëmbimit të zjarrit janë plagosur 3 ushtarakë, një ushtarak i një vendi aleat dhe dy ushtarakë të Kontingjentit “Eagle-4", ndërsa njëri prej tyre humbi jetën në spital. Ndërkohë që mësohet se janë arrestuar 11 policët afganë, që hapën zjarr në drejtim të efektivave tona.
Kjo është hera e parë që një komando shqiptar, pjesë e misionit paqeruajtës të NATO-s humb jetën në Afganistan. Komadot ishin pjesë e misioni të forcave paqeruajtese “Eagle 4″ i cili është nisur për në Afganistan më 16 janar 2012.
Berisha: Ngushëllime familjes Vogli, shërim të shpejtë Nëntetarit Peci
Ora: 21:25 - Kryeministri Berisha i shprehu ngushëllimet e tij familjes së Kapiten Feti Vogli, i cili ra në krye të detyrës, në Kandahar të Afganistanit. Sipas njoftimit të publikuar në faqen zyrtare të Kryeministrisë, Berisha theksoi se vepra dhe kujtimi tij do të nderohet gjithmonë.
“Ai sot ju mungon juve, vëllezërve të armëve, me të cilët luftoi në Kandahar, Forcave tona të Armatosura dhe kombit që e nisën në këtë mision të rëndësishëm paqeje. Shpirti i tij do të prehet në altarin e lirisë së kombit shqiptar dhe kombit afgan, për të cilën flijoi jetën e tij.”- u shpreh Berisha.
Ndërkohë kryeministri Berisha i uron shërim Nëntetarit Aleksandër Peci, i cili u plagos në krye të detyrës dhe që aktualisht ndodhet në gjendje kritike.
Komandanti i ISAF-it i telefonon kryeministrit Berisha
Ora: 21:20 - Komandanti i ISAF-it, Gjenerali John Allen i telefonoi Kryeministrit Berisha dhe i shprehu ngushëllimet për Kapiten Voglin që ra burrërisht në krye të detyrës, si dhe vlerësimet më të mëdha për ushtarakët shqiptarë, virtytet dhe aftësinë e tyre, në përmbushjen e detyrave në zona të ndryshme të Afganistanit. Komandant Allen i kërkoi Kryeministrit t’i përcjellë ngushëllimet e tij familjes së Kapiten Voglit.
Gjeneral Allen e siguroi Kryeministrin se do të bëhet gjithçka që autorët e këtij akti të marrin ndëshkimin e merituar ligjor.
Kryeministri Berisha, nga ana e tij, e falenderoi Gjeneral Allen për telefonatën dhe ngushëllimet dhe e siguroi atë se Forcat e Armatosura të Shqipërisë dhe qeveria shqiptare kanë besim të madh se trupat e ISAF, nën komandën e Gjeneralit Allen, do të përmbushin me sukses të gjitha detyrimet e misionit të tyre historik dhe se Shqipëria është e vendosur të japë kontributin e saj në këtë mision.
Xhaxhai i Pecit: Shpresojmë që Aleksandri të shpëtojë
Ora 21:07- Xhaxhai i Aleksandër Pecit, Nikoll Peci në një komunikim për News 24 rrëfen momentet e tronditjes së familjes kur pësuan lajmin e hidhur. Ai u shpreh se fillimisht morën lajmin që Aleksandri ishte plagosur, më pas që kish vdekur e së fundmi se ai ndodhej në gjendje kome. Pikërisht ky lajm i fundit mbylli derën e mortit që familja kishte hapur prej dy orësh.
“Morëm një lajm shumë të hidhur, pësuam një tronditje të pazakontë, kur na thanë se ka vdekur. Por dy orë më pas na thonë që ai nuk ka vdekur, shpresojmë që të ketë kismetin të jetojë”, deklaroi ai për News 24.
Ai rrëfeu gjithashtu se Aleksandri ka komunikuar mbrëmë për herë të fundit me të atin. Nga familjarët mësohet gjithashtu se 23 vjecari ishte i fejuar prej 8 muajsh, ndërsa me kthimin e tij në korrik do të bënin edhe dasmë.
Xhaxhai i Feti Voglit: Lajmin e morëm nga shokët e tij
Ora: 20:50 - Gazetarët e News24 mbërritën menjëherë në familjen e komandantit Feti Vogli, i cili ra në krye të detyrës në Kandahar. Gazetari Spartak Koka bisedoi me xhaxhain e komandantit, Ndriçim Vogli, i cili bëri të ditur se lajmin e hidhur e kishte marrë nga shokët e Fetiut, të cilët i kishin thënë fillimisht se nipi i tij ishte plagosur rëndë.
31-vjeçari Feti Vogli ishte i martuar dhe ka lënë jetime një vajzë të vogël, vetëm 3 vjeç. Ai ishte duke kryer misionin e tretë paqeruajtës gjatë karrierës së tij ushtarake, pasi kishte kryer më parë me sukses edhe dy misione të tjera në Irak.
MM: Nëntetar Peci në spital, në gjendje kome
Ora 20:30- Nentetar Aleksander Peci, i cili u raportua se kishte humbur jetën pas një sulmi në Afganistan, aktualisht ndodhet në spital në gjendje kome dhe ka ende shpresë përmirësimi. Zëdhënësi i Ministrisë së Mbrojtjes, në një konferencë shtypi pak çaste më parë, sqaroi se "në orën 17:15 Komandanti i Kontigjentit "Eagle 4" në Kandahar, Afganistan, Kolonel Behar Mara njoftoi Qendrën e Bashkuar Operacionale, në Shtabin e Përgjithshëm të Forcave të Armatosura se N/Tetar Aleksandër Peci kishte ndërruar jetë në Spitalin Ushtarak të Komandës ISAF, Rol 3 në Kandahar".
I njëjti konfirmim, vijoi ai, ka mbërritur në orën 17.55 minuta nga ana e Komandës Ushtarake të NATO-s, në Shape, Belgjikë. Por, sipas një njoftimi të dytë nga Komandanti i Kontigjentit "Eagle 4" në Kandahar, Afganistan, Kolonel Behar Mara, tha zëdhënësi i MM, "konfirmohet se N/Tetar Aleksandër Jak Peci, i cili u raportua se kishte humbur jetën, tashmë ndodhet në gjendje kome dhe ka ende shpresë përmirësimi".
Ai bëri të ditur se ekipi mjekësor i specializuar po monitoron hap pas hapi ecurinë e gjendjes së tij shëndetësore.
Familjarët: Aleksandër Peci në vdekje klinike
Ora 20:10- Gazetari i News24 Erjon Skëndaj, i ndodhur pranë familjes së komandos Aleksandër Peci, deklaron se aty është ndezur një fije shprese se ai mund të jetë gjallë.
Sipas tij “Dy ushtarakë të repartit të Zall Herrit kanë sjellë një lajm tjetër në familjen Peci. Sipas tyre 23 vjecari është në gjendje të rëndë, në vdekje klinike. Ai mbahet në jetë me aparatura”.
Ministria e Mbrojtjes: FA humbën dy ushtarë të zotë
Ora 18:30- Në një konferencë për shtyp, Ministria e Mbrojtjes sqaroi edhe njëherë se vrasja e dy komandove shqiptarë në Kandahar është bërë nga “një grup personash të veshur me uniformën e policiëve afgane”.
Ministria e Mbrojtjes ngushëllon familjet e tyre duke theksuar se, “Forcat e Armatosura humbën dy ushtarakë të zotë, të devotshëm, të përgatitur më së miri për plotësimin e detyrave në shkallë shumë të lartë vështirësie, ndërsa familjet humbën njerëzit e dashur. Janë marrë të gjitha masat për riatdhesimin, ceremonialin e ndërimit dhe mbështetjen financiare të familjeve”, thuhet në njoftim.
Rama: Sakrifica e tyre sublime, kontribut i paçmueshëm i Shqipërisë
Ora:18:20- Kryetari i Partisë Socialiste Edi Rama e cilësoi si një humbje të madhe për të gjithë shqiptarët vrasjen e dy komandove shqiptarë në Afganistan. Shefi i opozitës shprehu ngushëllime për familjet e viktimave, duke theksuar njëkohësisht edhe “mirënjohjen për shërbimin e lartë patriotik që dy dëshmorët më të rinj të Shqipërisë i bënë vendit tonë.”
“Fjalët nuk mund të mjaftojnë dot për ta shprehur si duhet vlerën e sakrificës sublime të Feti Voglit dhe Aleksandër Peçit, të cilët fatkeqësisht mbyllën sot sytë përgjithmonë duke i shërbyer kauzës së madhe të botës së lirë në luftën me një të keqe që synon asgjësimin e vetë lirisë së botës. Sakrifica e tyre sublime është një kontribut i paçmueshëm i Shqipërisë së vogël për botën e madhe demokratike.”- shkruhet në mesazhin e kryesocialistit.
Topi: Treguan heroizëm për vlerat e demokracisë
Ora:18:15 - Presidenti i Republikës Bamir Topi shprehu pikëllimin e thellë për rënien në krye të detyrës të paqeruajtësve shqiptarë, në Afganistan. Përmes një mesazhi të bërë publik sot pasdite, Presidenti Topi, njëkohësisht Komandanti i Forcave të Armatosura të Shqipërisë, shpreh ngushëllimet e sinqerta për familjarët e paqeruajtësve shqiptarë, Feti Vogli dhe Nëntetarit Aleksandër Peçi.
“Në këto momente të rënda e tragjike, më lejoni t’ju shpreh në emër të mbarë shtetit shqiptar ngushëllimet më të ndiera për ndarjen nga jeta të njerëzve tuaj të shtrenjtë e të pazëvendësueshëm! Më lejoni që si President i Republikës si dhe Komandant i Përgjithshëm, të jem pranë jush për të ndarë këtë dhimbje të madhe dhe për t’ju shprehur konsideratën më të lartë personale e institucionale për jetën dhe sakrificën sublime të këtyre dy heronjve të Forcave tona të Armatosura!”- thuhet në mesazhin e Presidentit Topi.
Trupi diplomatik: Ngushëllime për familjarët e viktimave
Ora 18:10- Trupi diplomatik i akredituar në vendin tonë ka përcjellë me dhimbje humbjen e jetës së komandove shqiptarë në Afganistan.Në një mesazh ngushëllimi ambasadorët shprehën mes të tjerash se vlerësojnë kontributin e vendit tonë në Afganistan dhe rolin e forcave tona paqeruajtëse. Në mesazhin e tyre ambasadorët shprehin ngushëllime për familjarët e viktimave.
Misioni “EAGLE 4” në Afganistan
Dy komandot shqiptare që humbën jetën sot në afërsi të Kadaharit ishin pjesë e misionit “EAGLE 4” që u nisën nga Tirana drejt Afganistanit në 16 janar të këtij viti.
“EAGLE 4” ishte kontigjenti i 10-të paqeruajtës, të cilit iu bashkuan edhe 5 efektivë të Policisë së Shtetit, të gjithë pjesë e kontigjentit OMLT 2, të ekipit trajnues të policisë afgane.
Kontingjenti “EAGLE 4” përbëhej nga 45 efektive të Batalionit të Forcave Speciale. Ky kontingjent zëvendësoi kontingjentin “EAGLE 4”, i cili ndodhej me mision luftimi në terren, në vijën e parë të frontit të luftës në Kandahar, Afganistan.
Kontingjenti “EAGLE 4” u atashua pranë Komandës së Forcave Speciale Amerikane dhe drejtohej nga Nënkolonel Behar Mara. Ky kontigjent eshtë në përbërje të komandës së forcave italiane në Herat dhe drejtohet nga Nënkolonel Arben Kingji.
(ma.ar/er.nu/BalkanWeb) Lidhje te tjera Biografia e kapitenit Feti Vogli Biografia e N/tetar Aleksandër Peci, i plagosur Topi: Treguan heroizëm për vlerat e demokracisë Berisha: Ngushëllime familjes Vogli, shërim të shpejtë Nëntetarit Peci Rama: Sakrifica e tyre sublime, kontribut i paçmueshëm LSI dënon sulmin, ngushëllon familjen Vogli Trupi diplomatik shpreh ngushëllime për familjarët 20 janar, ushtari afgan vrau 4 francezë, Parisi pezulloi operacionet VIDEO: Ministria e Mbrojtjes: FA humbën dy ushtarë të zotë VIDEO: Sulmi në Afganistan, vdes 1 komando shqiptar, tjetri në gjendje kome