Superfuqia frenohet, ekonomia kineze për 2012 jo si pritej

Kina do të mbetet edhe për këtë vit që sapo ka filluar, njëri nga motorët kryesorë të ekonomisë botërore. Por kohët e rritjes ekonomike pa kufi, kanë marrë fund edhe për gjigandin e ekonomisë botërore.

Vjeshta që shkoi ishte e mbushur me lajme jo të mira për ekonominë e Kinës.

Për herë të parë, prej tre vitesh ra prodhimi industrial, eksportet u frenuan. Ndërsa inflacioni mbeti i lartë, në shifrën 4,2%, megjithëse shënoi një rënie të lehtë.
 

Edhe ky vit nuk pritet të jetë i lehtë për gjigandin ekonomik. Para së gjithash, kriza e borxheve në Evropë, partnerit më të rëndësishëm tregtar të Kinës, ka sjellë shqetësime të mëdha në Pekin.

Banka Botërore llogarit një rritje ekonomike prej 8,4% për Kinën në vitin 2012. Kjo është rritja më e dobët ekonomike që prej dhjetë vitesh.