Superliga, Shkumbini – Gramozi 1-1Kjo ishte përballja e dytë historike midis Shkumbinit dhe Gramozit: 2 ndeshje, 2 barazime.
Rrjetet sociale:
(ALBANIA SPORT) – Gramozi ia doli të marrë një pikë shumë të çmuar në transfertë në Peqin me Shkumbinin (1-1), në barazimin e dytë sezonal midis tyre, por i pari i zhvilluar në Ersekë përfundoi 0-0.
Golashënuesi më i mirë i Gramozit, elbasanasi Armando Sadiku shënoi në minutën e 11-të për formacionin kolonjar të drejtuar nga Agim Canaj.
Ky ishte goli i pestë sezonal i Sadikut. Avantazhi i përkohshëm i Gramozit prodhoi jo pak nervozizëm në kampin peqinas, që dukej se po pësonte të njëjtin fat si ai në humbjen me Besën, që influencoi edhe në dorëheqjen e Gugash Maganit.
Goli i miqve rezistoi gati 80 minuta, përpara se kapiteni i Shkumbinit, Roland Dervishi, me rrjetën e tij të barazonte rezultatin në 1-1 në të 88’ duke shmangur humbjen e gjashtë sezonale të formacionit të Kristaq Miles. Për Roland Dervishin ky ishte goli i pestë sezonal.
Shkumbini u ngjit në kuotën e 15 pikëve, ndërsa Gramozi (11 pikë) shmangu përkohësisht vendin e fundit, duke ia lënë atë Flamurtarit (10 pikë), që nga ana e tij pret Tiranën në Vlorë ditën e henë.
Sa për statistikë, kjo ishte përballja e dytë historike midis Shkumbinit dhe Gramozit: 2 ndeshje, 2 barazime.
Në javën e 13-të Shkumbini do të luajë në Kavajë me Besën (humbi fazën e parë 2-1), ndërsa Gramozi do të presë në Ersekë, Laçin (barazoi 1-1 në fazën e parë).
KATEGORIA SUPERIORE
JAVA 12
28.11.2009
14:00 Laçi-Skënderbeu 0-0
14:00 Shkumbini-Gramozi 1-1
Shënues: Dervishi 88’/ Sadiku 11’
14:00 Dinamo-Kastrioti 2-0
Shënues: Bakaj 13’, Bakaj 32’
29.11.2009
13:00 Vllaznia-Besa
14:00 Teuta-Apolonia
30.11.2009
13:00 Flamurtari-Tirana
1 Dinamo 12 32
2 Besa 11 19
3 Apolonia 11 17
4 Tirana 11 17
5 Teuta 11 16
6 Kastrioti 12 16
7 Shkumbini 12 15
8 Laçi 12 13
9 Skënderbeu 12 12
10 Vllaznia 11 11
11 Gramozi 12 11
12 Flamurtari 11 10
Numri i klikimeve - 6625
E Shtune, 28 Nentor 2009