Suspendohet me vendim
Pak minuta pasi ka bërë inaugurimin për dializë në Qendrën e Mjekësisë familjare në Kodrën e Trimave, Ali Sadriut i është dërguar vendimi për suspendim.
Dhjetë minuta pasi që ka pranuar ftesën, ai ka ftuar media për të sqaruar në lidhje me suspendimin e tij nga UD i sekretarit permanent të MSH-së, Haxhi Kamberi.
“Para 10 minutave mora një shkresë më të cilën njoftohem se jam suspenduar me pagesë nga posti i drejtorit ekzekutiv”, ka thënë ai.
Ali Sadriu ka kërkuar interpretim ligjor nga mediat, shoqëria civile dhe institucionet e Kosovës në lidhje me vendimin dhe arsyetimet që i ka dhënë Haxhi Kamberi në lidhje me suspendimin e tij.
Ai ka thënë se ka një periudhë të gjatë në administratë dhe se assesi nuk ka mundur t’u bjerë në fije arsyetimeve që i janë shkruar në vendimin për suspendimin e tij.
“Unë këtë letër e lexova dhe përkundër asaj që kam një përvojë të gjatë në administratë, nuk e kuptova. Për mua kjo është diçka që është momenti i fundit kur shoqëria kosovare duhet ta tërheqë një vijë të qartë se cilat janë kompetencat politike dhe të stafit civil”, ka thënë ai.
Ai ka thënë se suspendimi i tij është kryekëput çështje politike.
Madje, ai ka akuzuar edhe UD të sekretarit permanent të Ministrisë së Shëndetësisë, Haxhi Kamberi.
“Rezultat i kësaj letre është gjendja faktike se si sekretarët mbahen vetëm në ushtrues detyre dhe mbahen vetëm për atë që diktati i ministrit të jetë “amin”, ka thënë tashmë i suspenduari nga drejtori i QKU-së.
Në vendimin për suspendimin e Sadrisë, ndër të tjera thuhet se ai nuk ka respektuar hierarkinë institucionale.
“Ky vendim është marrë duke u bazuar në kërkesën e ministrit të Shëndetësisë të datës 21. 06. 2010, me numër protokolli 05-2698 për shkarkimin e z. Ali Sadria, drejtor ekzekutiv i QKUK-së, kërkesë e mbështetur në nenin 1, paragrafi 1.7 pika 1.7 d, të Rregullores 19/2001, nenin 17. 1, 17.3 (i), (v.i) dhe 17.4 të Statutit të QKUK-së si dhe për mosrespektim të hierarkisë institucionale, thuhet në vendim.
Se cilën hierarki nuk e ka respektuar, Sadriu ka thënë se ka pritur që kjo t`i thuhet pikë për pikë në vendimin për suspendim.
“Ma sqaroni ju mua këtë! U.d. i sekretarit thotë me urdhër të ministrit, nuk e di kujt ia kam prishur në MSH, këtu në vendim është dashur të jenë arsyet e shkarkimit”, ka thënë Sadriu, i cili në krye të QKU-së ka qëndruar vetëm shtatë muaj.
Ai ka thënë se në një takim të mëhershëm që ka pasur me ministrin Bujar Bukoshi, ky i fundit i ka kërkuar që të tërheqë vendimin Ali Sadriu për shkarkimin e ndihmësdrejtorit për çështje mjekësore, Hasan Ahmeti.
“Në momentin kur unë e kam shkarkuar Hasan Ahmetin, ministri ka kërkuar që ta kthejë prapë, nuk e kam bërë një gjë të tillë, ka kërkuar disa herë, por kam qenë kategorik”, ka thënë ai.
“Avullimin” e gjashtë hektarëve tokë të Qendrës Klinike Universitare, drejtori në suspendim e ka quajtur krim të organizuar, duke thënë se individi nuk mund ta luftojë këtë, por që këtë, sipas tij. duhet ta bëjnë organet kompetente.
“Individi nuk mund ta luftojë krimin e organizuar. Të merren gjashtë hektarë, për mua është krim i organizuar. Unë e kam kryer punën time, jam shumë krenar që e kam dhënë diagnozën se ku çalojnë problemet e QKU-së dhe hapat e parë në këtë periudhë shumë të shkurtër rezultojnë se mbi 1 milion euro vetëm nga ushqimi me standarde shumë herë më të rritura kam kursyer për QKU-në”, ka thënë Sadriu.
Ndërkaq, ministri i Shëndetësisë, Bujar Bukoshi, ka thënë se procedura e suspendimit është dorëzuar dhe se e gjithë kjo do të përfundojë më së voni për 60 ditë.
“Le të urdhërojë zotëria t’i tregojë të gjitha ato arsye, të drejtën e tij, se i është bërë një padrejtësi e madhe. Ai është suspenduar me pagesë. Gjatë këtij suspendimi, brenda 60 ditëve, Komisioni është i detyruar t’ia japë një përgjigje. D.m.th. epilogu i gjithë kësaj do të përfundojë më së voni për 60 ditë”, ka thënë Bukoshi.
Dhjetë minuta pasi që ka pranuar ftesën, ai ka ftuar media për të sqaruar në lidhje me suspendimin e tij nga UD i sekretarit permanent të MSH-së, Haxhi Kamberi.
“Para 10 minutave mora një shkresë më të cilën njoftohem se jam suspenduar me pagesë nga posti i drejtorit ekzekutiv”, ka thënë ai.
Ali Sadriu ka kërkuar interpretim ligjor nga mediat, shoqëria civile dhe institucionet e Kosovës në lidhje me vendimin dhe arsyetimet që i ka dhënë Haxhi Kamberi në lidhje me suspendimin e tij.
Ai ka thënë se ka një periudhë të gjatë në administratë dhe se assesi nuk ka mundur t’u bjerë në fije arsyetimeve që i janë shkruar në vendimin për suspendimin e tij.
“Unë këtë letër e lexova dhe përkundër asaj që kam një përvojë të gjatë në administratë, nuk e kuptova. Për mua kjo është diçka që është momenti i fundit kur shoqëria kosovare duhet ta tërheqë një vijë të qartë se cilat janë kompetencat politike dhe të stafit civil”, ka thënë ai.
Ai ka thënë se suspendimi i tij është kryekëput çështje politike.
Madje, ai ka akuzuar edhe UD të sekretarit permanent të Ministrisë së Shëndetësisë, Haxhi Kamberi.
“Rezultat i kësaj letre është gjendja faktike se si sekretarët mbahen vetëm në ushtrues detyre dhe mbahen vetëm për atë që diktati i ministrit të jetë “amin”, ka thënë tashmë i suspenduari nga drejtori i QKU-së.
Në vendimin për suspendimin e Sadrisë, ndër të tjera thuhet se ai nuk ka respektuar hierarkinë institucionale.
“Ky vendim është marrë duke u bazuar në kërkesën e ministrit të Shëndetësisë të datës 21. 06. 2010, me numër protokolli 05-2698 për shkarkimin e z. Ali Sadria, drejtor ekzekutiv i QKUK-së, kërkesë e mbështetur në nenin 1, paragrafi 1.7 pika 1.7 d, të Rregullores 19/2001, nenin 17. 1, 17.3 (i), (v.i) dhe 17.4 të Statutit të QKUK-së si dhe për mosrespektim të hierarkisë institucionale, thuhet në vendim.
Se cilën hierarki nuk e ka respektuar, Sadriu ka thënë se ka pritur që kjo t`i thuhet pikë për pikë në vendimin për suspendim.
“Ma sqaroni ju mua këtë! U.d. i sekretarit thotë me urdhër të ministrit, nuk e di kujt ia kam prishur në MSH, këtu në vendim është dashur të jenë arsyet e shkarkimit”, ka thënë Sadriu, i cili në krye të QKU-së ka qëndruar vetëm shtatë muaj.
Ai ka thënë se në një takim të mëhershëm që ka pasur me ministrin Bujar Bukoshi, ky i fundit i ka kërkuar që të tërheqë vendimin Ali Sadriu për shkarkimin e ndihmësdrejtorit për çështje mjekësore, Hasan Ahmeti.
“Në momentin kur unë e kam shkarkuar Hasan Ahmetin, ministri ka kërkuar që ta kthejë prapë, nuk e kam bërë një gjë të tillë, ka kërkuar disa herë, por kam qenë kategorik”, ka thënë ai.
“Avullimin” e gjashtë hektarëve tokë të Qendrës Klinike Universitare, drejtori në suspendim e ka quajtur krim të organizuar, duke thënë se individi nuk mund ta luftojë këtë, por që këtë, sipas tij. duhet ta bëjnë organet kompetente.
“Individi nuk mund ta luftojë krimin e organizuar. Të merren gjashtë hektarë, për mua është krim i organizuar. Unë e kam kryer punën time, jam shumë krenar që e kam dhënë diagnozën se ku çalojnë problemet e QKU-së dhe hapat e parë në këtë periudhë shumë të shkurtër rezultojnë se mbi 1 milion euro vetëm nga ushqimi me standarde shumë herë më të rritura kam kursyer për QKU-në”, ka thënë Sadriu.
Ndërkaq, ministri i Shëndetësisë, Bujar Bukoshi, ka thënë se procedura e suspendimit është dorëzuar dhe se e gjithë kjo do të përfundojë më së voni për 60 ditë.
“Le të urdhërojë zotëria t’i tregojë të gjitha ato arsye, të drejtën e tij, se i është bërë një padrejtësi e madhe. Ai është suspenduar me pagesë. Gjatë këtij suspendimi, brenda 60 ditëve, Komisioni është i detyruar t’ia japë një përgjigje. D.m.th. epilogu i gjithë kësaj do të përfundojë më së voni për 60 ditë”, ka thënë Bukoshi.