T’zezat e spitaleve private

Spitalet private në Kosovë nuk janë brenda ashtu siç duken nga jashtë. Një raport i Inspektoratit Farmaceutik nxjerrë në shesh shumë parregullsi. Aty barnat mbahen në frigoriferë ushqimesh, janë pa banderola, derisa substancat narkotike shiten pa leje të përdorimit. Express sjell detaje të këtij raporti. Nga Nexhmije Ahmeti & Jeton Musliu më 03 tetor 2011 në ora 08:33

Ilaçe pa banderola, barnatore pa licenca, ilaçe të vendosura në frigoriferë bashkë me ushqime, personel i pakualifikuar, substanca narkotike pa leje përdorimi si dhe dokumente të pakompletuara.

Të gjitha këto parregullsi e shumë të tjera janë gjetur në tetë institucionet më të mëdha private të shëndetësisë në vend.

Për këtë arsye, të gjitha këto spitale, inspektorët e Inspektoratit Farmaceutik për Produkte dhe Pajisje Medicinale, i kanë dënuar ato në total, me 64 mijë e 500 euro gjobë.

Jozyrtarisht mësohet se tash i mbetet palëve që të ankohen ndaj këtyre dënimeve, e më pas të thuhet fjala përfundimtare për gjetjen e evidentuara nga këta inspektorë të Inspektoratit Farmaceutik për Produkte dhe Pajisje Medicinale.

Spitalet e klinikat private të kontrolluara janë “Bahçeci” , “International Medicinal Hospital”, “Intermed Eda”, “Aloka”, “Galaxy”, spitali për gjinekologji “Lindja”, “Euromed”, dhe spitali i përgjithshëm “Lindja”.

Shkrimin e plotë mund ta lexoni në Express...