TAP, mediat e huaja: Marreveshja, u kalua pengesa e radhes Eglantina Nasi

Marreveshja e nenshkruar pak dite me pare mes Shqiperise, Italise dhe Greqise per bashkepunim ne kuadrin e projektit te gazsjellesit Trans-Adriatik, paraqitet me te vertete e rendesishme per realizimin e tij. Dhe po te mendosh se u nenshkrua ne kuadrin e takimeve te OKB-se, mund te thuhet se ajo perfitoi edhe njefare lavdie globale. Ky eshte komenti i radhes qe mediat e huaja i kane bere pikerisht aktit te firmosjes se memorandumit te bashkepunimit mes tre vendeve te lartpermendura per projektin TAP. Kete here ka qene prestigjiozja amerikane "Uall Street Journal", e cila i ka dhene ze nje hapi te tille, permes nje artikulli te posacem te shkruar nga Alesandro Torello. Me nota mjaft pozitive, ai citon se marreveshja ne vetvete i garanton projektit TAP, nje mbeshtetje politike, duke kapercyer keshtu pengesen e radhes per realizimin e tij. Edhe pse pranon faktin se per ta kthyer ne realitet "endrren e gazsjellesve", ka ende pune per te bere, ai pohon se tashme qe TAP-i ka fituar zyrtarisht mbeshtetjen politike te vendeve te perfshira ne te, perben nje fakt esencial per ndertimin e tij. "Ne kete menyre, qeverite do te shpenzojne kohe dhe kapital politik qe projekti te ece perpara", - ben me dije artikulli ne fjale. Ne te njejten kohe, ai nuk harron qe t'i jape rendesi edhe faktit se tashme jane perjashtuar kater projekte qe ishin ne gare per te sjelle gazin nga deti Kaspik drejt Europes. Dhe se TAP-i, tashme paraqitet me i kompletuar edhe fale marreveshjes se lartpermendur, sidomos, pasi ajo u firmos nga tre kryediplomate ne Nju Jork, duke pasur ne kete menyre nje rendesi me te madhe ne aspektin nderkombetar. Me tej, sipas "Wall Street Journal", parashtrohet fakti se mbeshtetja e qeverive perkatese, do te behet edhe me e prekshme, kur pikerisht, kompanite e kontrolluara nga shteti, do te perfshihen ne projektin "Trans-Adriatik" si aksionere. Sikunder, nenvizohet edhe se nje tjeter sfide ka perpara ndertimi i gazsjellesit ne fjale eshte miratimi i tij nga ana e opinionit publik ne nivel lokal. Duke nenkuptuar ne kete menyre, fashitjen e te gjitha kundershtimeve te mundshme ne emer te realizimit te ketij projekti, si ato te lindura per shembull ne Italine e jugut, qe e lidhin zbatimin e tij me humbje parash dhe madje me shkaterrim te natyres. "TAP duhet qe te fitoje zemrat e njerezve ne rajonin e Puljas, rajoni juglindor i Italise", shkruan Torello mes te tjerash ne artikullin e tij. Duke perfunduar se hapi tjeter i radhes qe mbetet te vihet ne jete per zbatimin e projektit, eshte edhe ai i perfundimit te miratimeve rregullatore dhe studimore perkatese.

"Duhet levizur shpejt, TAP-i ka tani edhe mbeshtetje financiare"

Duhet levizur shpejt. Ky eshte apeli qe artikull-shkruesi i "Wall Street Journal", merr persiper t'u beje qeverive te tre vendeve te perfshira ne zbatimin e projektit te gazsjellesit Trans-Adriatik. Per te nenkuptuar faktin se tani qe pjesa politike e pengesave duket se eshte kapercyer permes nenshkrimit te marreveshjes trepaleshe, duhet pershpejtuar puna mbi permbylljen e fazave te tjera pergatitore lidhur me zbatimin e projektit ne fjale. Kesaj, i shtohet edhe fakti se TAP ka marre vetem pak kohe me pare edhe mbeshtetjen financiare nga "British Petrolium" dhe "Total", per ta investuar kete projekt te madh energjetik. Te cilat, i kane paraqitur kompanise shteterore "Socar" te Azerbajxhanit, gatishmerine per te marre pjese ne financimin e projektit.