TIFF nis me Paskaljeviç dhe mbyllet me Angjelopulos
Tiranë, 24 Nëntor, Milena Selimi NOA/ - Ka fituar rëndësinë e emrave të mëdhenj të kinemasë botërore, ende pa nisur.
Burime të brendshme të TIFF 2009 bëjnë të ditur për agjencinë e lajmeve NOA, pjesëmarrjen e dy prej figurave të rëndësishme të kinemasë botërore, kineastit serb, Goran Paskaljeviç dhe kineastit grek, Teo Angjelopulos.
Ndërsa Paskaljeviç do të jetë prezent në ceremoninë e hapjes së TIFF 2009, Angjelopulos ka konfirmuar ardhjen dhe pritet të jetë në Tiranë në ditën e mbylljes së festivalit, më 6 dhjetor.
TIFF 2009 nis edicionin e radhës me produksionin shqiptaro-serb Muajt e mjaltit, fitues i çmimit Golden Spike në Valladolid të Spanjës dy javë më parë, shfaqet premierë më 27 nëntor në TIFF, mbrëmjen e hapjes.
Dy personalitetet e kinemasë botërore, Paskaljeviç dhe Angjelopulos janë jo vetëm nga figurat e rëndësishme të kinemasë, por njëherësh edhe fitues të shumë çmimeve kinematografike që nisin që nga Kana, Berlini, Venecia, etj.
Goran Paskaljeviç vjen në Tiranë vetëm pak ditë pasi u nderua me çmimin e karrierës në Festivalin Ndërkombëtar të Filmit në Selanik. Pas Olympia Theatre të Selanikut, më 19 nëntor, Muajt e mjaltit, fituesi i çmimit Golden Spike në Valladolid të Spanjës dy javë më parë, shfaqet premierë më 27 nëntor në TIFF, mbrëmjen e hapjes.
Ftesat e tjera të veçanta, sipas organizatorëve u takojnë emrave të jurisë. Joshua Marston, regjisor i filmit Maria Full of Grace (2004), Ben Rivers regjisor i njohur për filmin e shkurtër eksperimental, si dhe gazetari i Iva Right, Nick Holdsëorth, janë në jurinë ndërkombëtare përzgjedhëse.
m.s/e.r/NOA - \n This e-mail address is being protected from spambots. You need JavaScript enabled to view it