TOPI KUNDER SPAHIUT, “kthim kryegjyqtareve qe iken”

Redinalda Caushaj
Kryetaret e gjykatave, qe u liruan nga detyra mbledhjen e kaluar te Keshillit te Larte te Drejtesise, mund te rikandidojne ne garen e hapur per 14 vendet vakante. Por, pjese e konkurrimit nuk do te jene ata ish-kryegjyqtare apo zevendeskryetare gjykatash qe kane pasur klientelizma apo lidhje shoqerore e miqesore me politikanet. Deklaraten e beri dje Presidenti i Republikes, Bamir Topi, gjate mbledhjes se radhes se KLD-se, ne cilesine e kreut te ketij institucioni. Ajo vjen pak dite pasi nenkryetari i KLD-se, Kreshnik Spahiu, komunikoi shkarkimin e te 14 kryetareve te gjykatave te shkalles se pare ne vend, per shkak te kohes se gjate te qendrimit ne post. Ne kete kuader u miratua ne mbledhjen e KLD qe mandati i kryegjyqtareve te mos jete me shume se 4 vjet. Po dje, eshte votuar edhe per rregullat e reja te konkurrimit, mbeshtetjen e reformes ne drejtesi dhe shkarkimin e gjyqtarit te Gjykates se Apelit Vlore, Sokol Ngresi, pas largimit te Gjinovefa Gabes e Vasil Hanxharit. KLD doli dje, pasdite, me nje deklarate per shtyp, te lexuar nga drejtoresha e Drejtorise Juridike, Ana Shkembi.
Gjate fjales se mbajtur per mediat, Presidenti Bamir Topi u perqendrua te hapat e reformes ne drejtesi dhe debatet qe ka hapur largimi i 14 kryetareve te gjykatave ne rrethe dhe kufizimi i mandatit deri ne 4 vjet. “Qendrimi i KLD-se, jo vetem qe eshte ne koherence me ligjin e ri, qe ka te beje me periudhen e qendrimit ne detyre te kryetareve te gjykates, por i jep te drejten e rizgjedhjes ne pozicionin drejtues edhe atij qe konsiderohet i larguar”, deklaroi kryetari i KLD-se. Topi pohoi se do te rishikohen proceduarat per emerimin e kryetareve te gjykatave te rretheve gjyqesore, si dhe te apelit. Ndersa drejtoresha Ana Shkembi, pas perfundimit te mbledhjes, tha se “nje grup pune do te percaktoje edhe kriteret per kandidatet per kryetare te gjykatave, te cilet mund te jene avokate, gjyqtare, prokurore e deri ne perfaqesues te tjere te komunitetit”.
Kreu i shtetit paralajmeroi te gjithe kandidatet se per te fituar garen e kryetarit te gjykates apo zevendeskryetarit, duhet qe pervec kritereve te eksperiences e karrieres, te mos kene lidhje miqesie apo shoqeri me politikanet. “Ky duhet te jete proces i paster perzgjedhjeje dhe larg partive politike”, tha Presidenti Topi. Ky proces synon transparencen e KLD-se para publikut dhe paleve per nje gare te ndershme. Keshilli ka diskutuar dje edhe per kontrollet e kryetareve te gjykatave te rretheve gjyqesore dhe te apelit, verifikimit te ofrimit te nje sherbimi gjyqesor transparent, ndarja e ceshtjeve gjyqesore me ane te shortit, disiplina formale ne pune te gjyqtareve.
Kandidatet, me projekte
Kandidatet, te cilet do te jene pjese e projektit, do te paraqesin nje program te drejtimit te gjykates ne prani te nje audience te gjere, me perfaqesues te zgjedhur te komunitetit. Nepermjet ketij programi, cdo kandidati i jepet mundesia te shprehe jo vetem vizionin e tij, por te dale perpara komunitetit edhe per te marre vleresimin. Sipas Presidentit Bamir Topi, kjo lloj menyre do t’i paraqese publikut edhe transparence.
Shkarkohet edhe Sokol Ngresi
Keshilli i Larte i Drejtesise ka vendosur dje shkarkimin nga detyra te gjyqtarit te Gjykates se Apelit Vlore. Sokol Ngresi u konstatua nga ana e Inspektoratit te Ministrise se Drejtesise se kishte bere disa shkelje ne detyren e ushtruar. Ministri i Drejtesise, Enkelejd Alibeaj, i ka propozuar KLD-se nje muaj me pare shkarkimin e tij nga detyra. Pas votimit pasditen e djeshme, keshilli ka vendosur largimin e Ngresit, qe pason largimin e kolegeve Gjinovefa Gaba e Vasil Hanxhari.