Tabaku: Seanca, deputetet te gjithe te angazhuar ne diskutime Eljona Ballhysa
Grupi Parlamentar i Partise Demokratike do te mblidhet sot ne oren 9.00 vetem nje ore para se te nise seanca parlamentare e diskutimit te programit te qeverise “Rama”. Mesohet se ne kete mbledhje demokratet do te diskutojne ne lidhje me qendrimin qe do te mbajne ne seance, nderkohe qe te gjithe do te jene te angazhuar per te diskutuar dhe per te vene ne pah mangesite e programit. Kete e ben te ditur zedhenesja e grupit Parlamentar te PD-se, Jorida Tabaku. Ne nje prononcim per gazeten Koha Jone, Tabaku ben te ditur se Grupi i PD-se, do te jete i gjithe aktiv ne seancen e sotme dhe cdo deputet do te angazhohet ne diskutime rreth pseudo programit qeverises. “Ne ne fakt nuk e konsiderojme program ate qe Rama lexoi ne parlament, seancen e kaluar. Ai eshte thjesht nje fjalim elektoral, gjithsesi mund te them se grupi i PD-se do te zhvilloje nje mbledhje para seances. Nderkohe qe te gjithe deputetet do te jene mese te angazhuar per te marre pjese ne diskutime ne seance dhe per te nxjerre ne pah mangesite e programit, apo premtimet e pabazuara ne shifra”, eshte shprehur Tabaku. Seanca e sotme parlamentare ku do te diskutohet dhe miratohet programi i qeverise Rama pritet te jete nje prej seancave me te gjata te parlamentit. Burimet nga Kuvendi kane bere te ditur se 140 deputetet e Kuvendit kane depozituar emrin ne sekretarine e parlamentit per te diskutuar rreth programit te qeverise se re. Kryeministri i mandatuar, zv/ kryeministri dhe secili prej ministrave gjithashtu do te flasin ne seance. Sipas rregullores se Kuvendit, neni 48 deputetet, kane te drejte te flasin deri ne 20 minuta, qe do te thote se nese do te shfrytezohej nga te gjithe ne maksimum, do te merrte 46 ore kohe. Por megjithate mesohet se jo te gjithe deputetet do te mbajne fjalime 20 minuteshe, madje, nuk perjashtohet as mundesia qe nje pjese e deputeteve te terhiqen per te shpejtuar proceduren e votimit. Burime prane grupit parlamentar te PS-se bejne te ditur se do te kerkohet qe seanca te vazhdoje pa nderprerje deri ne oret e para te mengjesit te se dieles, edhe pse opozita pret qe debati te shtrihet ne dy dite. Por kjo kerkese e demokrateve pritet te mos pranohet nga perfaqesuesit e maxhorances se re. Keta te fundit pas negociatave me kryetarin e Kuvendit pranuan qe te shtyhej dy dite seanca e diskutimeve per programin, vetem pas kerkeses insistuese te Partise Demokratike e cila madje unifikoi qendrimin edhe me partite aleate te opozites. Kryetari i Partise Demokratike Lulzim Basha akuzoi maxhorancen e re per shkelje te standardeve te parlamentarizmit sic eshte transparenca, llogaridhenia dhe e drejta e opozites per te marre kohen e duhur per t’u pergatitur per nje material aq te rendesishem sa c’eshte programi qeverises.
Socialistet i drejtuan qeverise “Berisha” 700 pyetje
Ndryshe nga 8 vjet me pare kur qeveria “Berisha 1” u perball me 700 pyetje nga deputetet socialiste, ne sekretarine e Kuvendit per qeverine “Rama”, jane depozituar pak pyetje. Madje nje pyetje eshte depozituar nga deputeti socialist i qarkut te Beratit, Eduard Bejko. Por zedhenesja e grupit Parlamentar te Partise Demokratike, Jorida Tabaku thote se nuk ka asnje vendim grupi per te mos depozituar pyetje, megjithese sqaron se Rama nuk ka nje program te mirefillte. Mesohet se mungesa e programit nga ana e kryeministrit te dekretuar do te jete argumenti kryesor i demokrateve. Nderkohe qe ceshtjet ku do te perqendrohet debati do te jene, sherbimi shendetesor falas, legalizimet falas, taksa progresive si dhe lufta ndaj korrupsionit. Eshte menduar qe ish-ministrat demokrate te vihen perballe ministrave te rinj, per te kritikuar politikat per cdo dikaster, duke qene se njohin sektoret qe kane drejtuar per vite me radhe. Megjithate per te detajuar strategjine parlamentare, 1 ore para zhvillimit te seances, ne oren 9 te mengjesit, PD do te mbledhe grupin parlamentar, nderkohe qe Partia Socialiste, e ka percaktuar tashme qendrimin e saj. Pas votebesimit ne parlament qeveria “Rama” pritet te betohet tek Presidenti i Republikes per te marre ne kete menyre zyrtarisht detyren e qeverisjes 4- vjecare te vendit.