Taci: Milani, realiteti i prekshem per Shqiperine

Rezart Taci, bosi i "Taci Oil Internacional", sponsori kryesor qe solli ne Tirane "Milan Junior Camp" eshte shume krenar per kete mundesi qe u jepet femijeve shqiptare: "Sot ndihem i kenaqur dhe i nderuar njekohesisht qe mbeshtesim Milanin ne nje projekt per femijet dhe te rinjte. Me kete rast deshiroj te bej me dije se kompania "Taci Oil Internacional", ne te cilen punojne shume fansa te skuadres se Milanit, do vazhdoje bashkepunimin ne kete drejtim, duke qene sponsor zyrtar dhe partner kryesor edhe ne 3 vitet e ardhshme. Deshiroj me kete rast te bej nje falenderim publik per presidentin e Milanit, z. Silvio Berluskoni, i cili me ka siguruar per ndjenjen e simpatise se vecante per Shqiperine, si dhe per inkurajimin e projekteve te tilla me rendesi per ne. Gjithashtu, falenderoj miqte drejtues te Milan Junior Champ Tirana, si dhe te gjithe ata qe punuan e do te vazhdojne te punojne per suksesin e projektit. Dhe njehere falenderojme Milanin qe na beri pjese te historise se tij, duke besuar qe shume shpejt skuadren e madhe te kuqezinjve do ta kemi per te luajtur per here te pare ne Shqiperi".