Tafaj, premton rritje pagash per mesuesit
Ministri i Arsimit dhe Shkences, Myqerem Tafaj, premton vazhdimin e politikes se rritjes se pagave per mesuesit. Kete deklarate, Tafaj e beri gjate nje takimi qe zhvilloi dje me mesuesit e drejtorise arsimore Tirane, ne ambientet e Liceut Artistik "Jordan Misja". Gjate fjales se tij, Tafaj e cilesoi profesionin e mesuesit si nje nder me te kerkuarit ne tregun e punes, ndersa shprehu falenderimet e tij per kontributin e mesuesve ne arritjet dhe reformat ne arsim. “Gezuar 7 Marsin, kete feste tashme tradicionale, kete feste, e cila nuk eshte vetem per punonjes te arsimit shqiptar, por edhe per nxenes e studente, cka do te thote se kjo eshte nje feste qe festohet ne cdo familje shqiptare. Kjo eshte nje tradite e bukur e krijuar ne vendin tone. Ne kete dite te madhe te arsimit shqiptar, perulemi me respekt te thelle perpara vepres se ndritur te arsimtareve dhe patrioteve te shquar, qe punuan me perkushtim dhe bene sakrifica te medha deri ne sublime, per zhvillimin e arsimit shqiptar”, - u shpreh ministri. Kerkesat per punesim ne kete fushe jane te larta, jo vetem ne Tirane, por dhe ne Durres, Elbasan, Shkoder etj. Kjo si pasoje e rritjes se pagave, permiresimit te infrastruktures ne shkolla, organizmit te trajnimeve, etj. Sipas ministrit Myqerem Tafaj, te gjitha arritjet, rezultatet e sukseset e reformave ne sistemin arsimor jane para se gjithash fryt i punes se palodhur dhe i perkushtimit te mesuesve dhe pedagogeve ne cdo shkolle dhe universitet te vendit, ndaj permiresimi i vazhdueshem i statusit te mesuesit ka qene dhe eshte ne qender te vemendjes se kesaj qeverie. “Gjate periudhes se tranzicionit, profesioni i mesuesit thuajse u braktis. Sot ai eshte nje nder profesionet me te kerkuara, ku numeron mbi 31 mije mesues. Ne 7 vitet e fundit paga e mesuesve eshte rritur mbi 2 here, cka ka bere qe sot mesuesi te kete nje page dinjitoze, e cila qendron mbi mesataren e pagave te sektorit publik ne vendin tone. Pagat e mesuesve u rriten edhe ne vitin 2012 dhe do te jene edhe ne vazhdim ne krye te rritjeve brenda sistemit te pagave”, eshte shprehur Tafaj.