Tagesspiegel: Me Federiko dhe Kapllanin, Karlsruhe në Bundesliga 1

Albania-sport.com (AS)- Gazeta e njohur gjermane "Tagesspiegel" ka marrë në analizë gjashtë ekpipet kryesuese të Bundesliga 2 dhe shanset e tyre për të ngjitur në Bundesliga 1: "Karlsruhe i ka sulmuesit që i duhen. 41 gola në fazën e parë, udhëheqëse e tabelës. Kjo flet shumë. Me një Giovanni Federico (10 gola) dhe Edmond Kapllani (9), trajneri Edmond Becker nuk duhet të ketë asnjë merak. Ai beson se dhe në ndeshjet e kthimit sulmi do të ketë të njëjtën fuqi. I vetmi problem për drejtorin sportiv, Rolf Dohmën për t'u zgjidhur: kontrata e golashënuesit Federico përfundon më 30 qershor".