2012 · Politika Tahiri Zela, në garë më 3 mars për kreun e Tiranës SShekulli E Martë, 21 Shkurt 2012 Kryesia e Partisë Socialiste ka vendosur mbrëmjen e djeshme si kandidat për degën e Tiranës, Saimir Tahirin dhe Ilir Zelën. Vendimi është marrë dje në unanimitet pas diskutimeve të shumta. Në mbledhjen e Kryesisë, që zgjati për më shumë se 4 orë, sekretari Organizativ Blendi Klosi, ka informuar mbi situatën zgjedhore brenda strukturave të Partisë Socialiste duke u përqendruar në 117 njësitë vendore ku ende nuk janë zhvilluar zgjedhjet e brendshme. Zoti Klosi i propozoi Kryesisë së Partisë Socialiste zhvillimin e zgjedhjeve për kreun e partisë në Tiranë në datën 3 Mars ku do të kandidojë Ilir Zela dhe Sajmir Tahiri, ndërkohë që propozoi mbylljen e të gjithë procesit zgjedhor në PS brenda datës 15 Mars. Këto propozime u miratuan nga Kryesia e Partisë Socialiste, – njoftoi dje në mbrëmje zyra e shtypit të PS-së. Ndërkohë, ky forum caktoi një grup pune që do të koordinohet nga deputetja Olta Xhacka dhe drejtohet nga anëtarja e Kryesisë Eglantina Gjermeni për të konceptuar një projekt që do i serviret Kryesisë në mbledhjen pasardhëse, mbi organizmin e forumit të gruas ‹ Më parë · ShekulliPresidenti, ambasadorja gjermane: Respektoni frymën, jo pikën e fundit të Kushtetutës Më pas · Shekulli ›Rinis sot dialogu Prishtinë-Beograd
