Takim i papritur Thaci-Gruevski
SHKUP - Qeveria e Maqedonise nepermjet nje komunikate per shtyp beri te ditur dje se ne Shkup kane zhvilluar nje takim joformal kryeministri i Maqedonise Nikolla Gruevski dhe homologu i tij kosovar, Hashim Thaci. Sic thuhet nga komunikata ne takim eshte biseduar per bashkepunime mes dy paleve ne disa fusha. Gjithashtu eshte folur edhe per percaktimin e vijes kufitare mes Kosoves dhe Maqedonise. Komunikata nga qeveria thote se te dy kryeministrat i kane dhene mbeshtetje planit te Presidentit Ahtisari. Takimi eshte zhvilluar papritur. Zyrtare te kabinetit te kryeministrit te Maqedonise u thane mediave fillimisht se nuk kane njoftime per takimin. Por vetem pak kohe me pas, qeveria dergoi njoftimin e shkurter per takimin Gruevski – Thaci.
Deklarata e Cervenkovskit
Takimi vjen pas deklaratave te enjten te Presidentit te Maqedonise Branko Cervenkovski se vendi i tij nuk do te jete nder vendet e para qe do te njohe pavaresine e Kosoves. Z. Cervenkovski tha se ky veprim do te ndermerret ne koordinim me BE-ne dhe NATO-n, por Maqedonia do te duhet te shohe edhe interesin e saj. Kreu i shtetit maqedonas tha se njohja e Kosoves duhet te behet ne pakete me nje marreveshje per percaktimin e vijes kufitare mes dy vendeve. Autoritet ne Shkup firmosen nje marreveshje per kufirin me Beogradin, te cilin Prishtina nuk e njeh. Nga autoritetet ne Prishtine kjo ceshtje konsiderohet teknike, per te cilet thone se do te gjendet zgjidhje. Presidenti Cervenkovski tha se ceshtja e kufirit eshte edhe ne paketen e Ahtisarit dhe besonte se do te zbatohej. Subjektet shqiptare thone nderkohe se po bejne pergatitje per te festuar shpalljen e pavaresise. Ata thone se edhe shqiptaret e Maqedonise kane qene pjese e ketij procesi dhe ketu nga te gjithe shpallja e pavaresise do te perjetohet me gezim. Festimet do te jene ne perputhje me Prishtinen dhe Tiranen, kurse lideret politike shqiptare pritet te jene ne Kosove.