Taksisti i zhdukur gjendet mjeti

Ndonese u dyshua qe ne fillim se mjeti mund te ishte i 35-vjecarit Fredi Tarelli policia mundi ta konfirmonte kete vetem mengjesin e djeshem. Makina tip Benz u nxor nga ujerat e rrembyeshme te perroit por grupi i hetimit nuk gjeti ne te asnje gjurme te taksistit. Dyshimet per nje vrasje te mundshme te tij jane shtuar pasi mjetit i ishin hequr targat origjinale duke i vendosur gjermane BA U 4873. Moskorrespondimi i targes dhe pamundesia per ta nxjerre qe ne mbremje mjetin nga ujerat beri qe policia e Elbasanit dhe ajo e Korces te mos konfirmonin dyshimin e tyre. Makina e braktisur u gjet mbremjen e se premtes afro 5 kilometra larg nga qyteti i Elbasanit rreth 300 metra larg rruges se vjeter te Metalurgjikut. Sipas policise ne zonen e komunes Bradashesh mjeti ishte mbytur ne ujerat e perroit te Kushes shume prane derdhjes se lumit Shkumbin. Fillimisht u dyshua se ishte nje aksident automobilistik por me pas policia e Elbasanit njoftoi ate te Devollit pasi mjeti mund ti perkiste taksistit te zhdukur. Inspektoret u nisen drejt vendit te ngjarjes por per shkak te erresires motit te pafavorshem terrenit te veshtire dhe ujerave te rrembyer te perroit ata nuk munden te kryenin verifikime dhe aq me teper te zyrtarizonin pronesine e mjetit. Por dyshimet ishin te forta edhe per shkak te pullave te vendosura ne xhamin e perparme nga kontrollet teknike te mjetit. Ne vend u thirren edhe familjare te taksistit te cilet konfirmuan se makina e mbytur ishte e Fredi Tarellit. Me pas gjithcka u qartesua dje kur Benz-i u nxor nga perroi. Targat e tij gjermane rezultuan false. Mjeti u dergua ne ambientet e komisariatit ku nisi puna per gjetjen e ndonje gjurme. Sipas burimeve fillimisht eshte hapur bagazhi pasi dyshohej se autoret e grabitjes e kishin vrare shoferin e saj dhe e kishin hedhur aty por brenda nuk u gjet ndonje gjurme. Te njejtat burime bene te ditur se hetimi eshte mjaft i komplikuar pasi qendrimi i mjetit ne uje prej ditesh ka prishur cdo gjurme qe mund tu sherbente per identifikimin e autoreve te mundshem te zhdukjes se 35-vjecarit. Ka dyshime te forta qe taksisti te jete vrare e me pas rrjedha e lumit e ka derguar ate qindra metra larg nga vendi ku gjet makina e tij. Burime nga grupi i hetimit thane se nuk perjashtohet mundesia qe autoret ta kene grabitur makinen e taksistit per te kryer ndonje krim tjeter ndonese jane duke u kryer verifikime pasi deri me tani nuk regjistrohet asnje ngjarje apo viktime tjeter ne kete qark.
Vendi ku u gjet makina e braktisur ndodhet ne nje rruge dytesore. Taksisti nga rrethi i Devollit kishte 15 vjet qe ushtronte kete profesion duke punuar kryesisht me udhetare te cilet i gjente ne doganen e Kapshtices. Pasditen e se dieles sipas deshmive te kolegeve te tij ai eshte nisur pa asnje udhetar nga dogana por nuk ka shkuar ne banese. Mungesa e gjate e tij ne shtepi beri qe familjaret ti drejtoheshin policise per ndihme. a.k/g.a