Talebanët ndjekin Princin Harry

Telashet për princin Harry duket se nuk kanë të ndalur. Pas skandalit të fotove lakuriq, ai është shndërruar në shënjestrën kryesore të talebanëve në Afganistan, ku u rikthye pak ditë më parë në frontin e luftës.

Një zëdhënës i talebanëve, i cituar nga mediat britanike, tha se kryengritësit do ta kapin princin të gjallë apo të vdekur.

Harry u kthye në Afganistan dy ditë më parë, katër vjet e gjysmë pas misionit të tij i parë. Nisja e tij u bë e ditur që në fillim, ndryshe nga hera e parë kur prania e tij në Afganistan u zbulua nga mediat.